رسالة إلى أصحاب الفيلم المسيئ - شعر

شعر-محمد عبدالعزيز:

مش هرد على الإساءة

بالإساءة لأى دين

مش هقول قصة

نصارى ومسلمين 

لكن هقول

سيدنا المسيح  بيقول لكم

الله محبة يامؤمنين

ده النبى سيدنا محمد

خير البرية أجمعين

إنتو مين

وفى أي دين

عمر السفه ما كان له دين

إنتو حقد قديم دفين

بدت البغضاء من لسانكم

والقلوب مليانة طين

إنتو فعلا مجرمين

سيدنا النبى نور الهدى

رحمة للناس أجمعين

سيرته كانت وسط قومه

أنه كان صادق أمين

نقول محمد يعنى رحمة

يعنى حب ويعنى لين

يعنى نصرة غلبانين

مسح دمعة مكسورين

يعنى نهر عطاء ما ينفد

للفقير ويا الحزين

كان ملاذ للمظلومين

كان حنين

قال الملك أطبق عليهم أخشبين

وتكون عظة للأخرين

رفض النبى وقال كلمته

يمكن يكون فيهم جنين

يوحد البارى العظيم

جه يتم مكارم الاخلاق ينور

للعباد السالكين

جه بدين

مفهوش عبيد

فيه حقوق للمساكين

رسم طريق كل البشر

للفلاح دنيا ودين

خير دين

خير أمة أرسلت

تدعو كل العالمين

سيدنا الامين

خير كل المرسلين

أما إنتو مين

وفى أي دين

عمر السفه ما كان له دين

سيدنا المسيح بيقول لكم

الله محبة يا مؤمنين