بدون عمليات أو "دايت".. سيدات يروين لـ"مصراوي" كيف خسرن 50 كيلو

نهال محسن 35 سنة (من 167 إلى 100 كيلو)

"ابتديت الدايت من سنتين، بعد ما رجعت من رحلة لأسوان، حسيت إني مبقتش قادرة اتحرك وركبتي مش متحملاني".
"ومعملتش دايت، فكرة الدايت أصلا بتوترني، لكن غيرت ستايل حياتي كله، خصوصًا إني وصلت لمرض مناعي بسبب كمية السكر، أنا كان ممكن أكل تورتة لوحدي".
"حصلت لي مشكلة في الغدد اللعابية واللميفاوية، وبدأ يغمى عليا، وجسمي مش بيقدر يهضم أي نسبة سكر ولو كانت بسيطة جدا، وحصلت لي التهابات في الغدة والدكتور منعني من الحجاب".
"بدأت أفطر لأني الأول كنت بشرب قهوة بس، وباكل كميات كبيرة وقت الضهر، وبالليل بس، خصوصا المقليات والنشويات".
"حاليًا بلعب رياضة، وغيرت نوع أكلي، يعني ركزت على الخضار، والشوربة، وزودت كمية المية اللي بشربتها".
نزلت أول 25 كيلو في خلال شهر، وده فرق معايا في اللبس والنفس وشكلي، وحسيت اني أحلى جدا، وبقت اثق في نفسي أكتر بكتير جدا، كمان اكتشفت إني لما أغير ثقافتي ومعتقداتي، حاجات كتير هتتغير".
"لاقيت إن فيه متع تانية غير الأكل زي الثقة بالنفس والصحة، وعدم الاحتياج لأي شخص، وإني أكون شخص خفيف ومش بسند على حد وقادرة أتحرك
"ولما كنت بحسب بالضعف، بفكر نفسي بهدفي، وصحتي، ومرتي باكتئاب كتيرن ولكن كنت بكمل وبستمر علشان أقدر أحقق الوزن اللي أنا عاوزاه".