"هتلاقيه ديما يقولك البطة ممكن".. ياسمين عز عن مميزات الرجل الأهلاوي

قالت الإعلامية ياسمين في إحدى حلقات برنامجها "كلام الناص" المذاع عبر قناة "إم بي سي مصر"، إن الرجل الذي يشجع النادي الأهلي "طول عمره أصيل"، وأكملت: "إيه هي مميزات وحلويات الرجل الأهلاوي؟".

وأضافت: "عمره ما يتخلى عنك، مهما كنتي مدايقاه أو منكدية عليه، لإن من أول لحظة ليكوا سوا، هتلاقيه واخد عهد على نفسه، على الحلوة والمرة معاكي، لإن الرجل الأهلاوي مش بيرضى غير بالمركز الأول عشان كده لازم طول الوقت بريمو، شعرك شكلك طبخك، كله لازم يبقى نمرة واحد".

وتابعت: "وبالنسبة للأكل، هتلاقي الراجل الأهلاوي مش فارقه معاك هتطبخي إيه؟، أو شكل السفرة عامل إزاي، إن شالله تحطيله الأكل في طباق بلاستيك أو كرتون، أهم حاجة تفرق معاه، إن ميقومش من على الترابيزة أو السفرة إلا لو شعبان على الآخر، طبق الفول أو الكشري عنده أحسن من حتة سوشي شكلها حلو بس متشبعوش، ولو بعد الشر فكرتى تغضبي وتسيبي اعرفي إن صعب قوي ترجعيله تاني، لإن الراجل الأهلاوي عنده قوانين صارمة، مش بيخالفها ولا يحيد عنها أبدا".

واختتمت: "وممكن الراجل الأهلاوي ميخرجكيش كتير وسط موسم الشغل بتاعه لإن عنده أهداف ومركز عليها ولا يمكن يحيد عنها أبدا، بس تأكدي إن مهما تأخرت الفروجة أو الفسخة، مفيش موسم هيعدي عليكي وانت معاك زيرو خروجات، وبيعشق الاحتفال بكل مناسبة وعمره ما ينسى الاحتفال بعيد ميلادك، وبيحب الاحتفالات بالمناسبات لإنه راجل فرفوش، ولو عملتيله صينية بطاطس بالبرتقال لأول مرة، عمره ما هينساها وهتلاقيه كل مرة يفكرك بيها، وبيقولك البطة ممكن".