انكشف الستار
كتبت - سهير جوزيف حنا الشهيرة بـ''دميانة'':
أمريكا الديمقراطية .. فين هي القضية؟
كنتي تقولي المسيحية.. وراها كنتي مستخبية
ظهر الحق وبان .. وجيتي مع الإخوان
بتجري ورا السلطان.. ليكي مفيش أمان
عداك خلاص الحدود.. ظلمك ملوش حدود
بس ربنا موجود.. يبني بينا وبينك سدود
انفتحت الأسرار .. واتبنت الأسوار
مسلم مسيحي.. مش كفار
بلدنا بلد أحرار
بلاش يا أوباما
بلاش يا أوباما ترفع السلاح.. هتبقى مجرم سفاح
ونقول خاين وراح.. والبشر دي أرواح
قلبنا قلب الجبال.. صامدين ضد الاحتلال
أعدادنا زي الرمال.. مش بالحرب لكن بالعمال
احنا أخوات وأحباب.. مش هنسمح بالإرهاب
بلدنا بلد الشباب.. هنزيح أي ضباب
داخل سوريا بالدروع.. ما كفاية قلبها الموجوع
اتملت خوف وجوع.. الموت مفيهوش رجوع
متمشيش ليه في السلام.. متقولش ليه ده حرام
بس شويه لقدام.. نفسنا نحلم وننام
ده كلام مش من الخوف
ده كلام مش من الخوف.. ده صرخة من جوا الجوف
افتح عينيك بس وشوف.. عمل أيديك على الرفوف
إلحق للشر حوش.. الظلم مننساهوش
هندافع ولو جيوش.. الخوف منعرفهوش
الحق مش معاك.. إلحق نفسم ياباراك
بص قدامك مش وراك.. ده ربنا كاشف نواياك
وانكشف الستار.. وانكشف الستار
فيديو قد يعجبك:
