حكاية 10 تويتات لباسم يوسف.. تقلب الموازين وتثير جدلاً.. و"مش هينزل مصر"

باسم يوسف عن وقف رحلات روسيا لمصر:"بوتين متآمر"

عد تعليق الإعلامي الساخر باسم يوسف على موافقة الرئيس الروسي فلاديمير بوتين على قرار إيقاف الرحلات الجوية الروسية إلى مصر، والذي وصفه البعض بالشماتة في بلده، رد قائلًا:احنا وصلنا لدرجة أن لما الواحد يهاجم بوتين يُتهم أنه شمتان في البلد؟ طب ازاي؟".

كما رد على اتهامات علاقته بأمريكا، في تغريدة عبر حسابه على تويتر، قائلاً " لا أنا عايش في أمريكا و لا معايا باسبور أمريكاني و أخرها شوية زيارات.. و قلت ده كذا مرة.. اللي بيكرر ده كل شوية يا مش عارف أو عارف و بيستعبط".

وكان باسم يوسف قد قال إن "بوتين المتآمر عميل الغرب كلب أوباما، أمر بوقف الرحلات الروسية لمصر؟ اخص".

وأضاف يوسف "مش فاهم اللي بيفسر التويتة اللي فاتت انها شماتة مش الإعلام اللي قالنا إن بوتين صاحبنا وفي ضهرنا؟ طلع بيتآمر علينا زي بقية العالم.#مايصحش_كده".
وتابع مهاجمًا الإعلام: "بدل ما تمسكوا في تويتة امسكوا في الاعلام اللي غاسل دماغكم ومفهمكم ان بوتين واقف جنبنا #مايصحش_كده".