صاحب واقعة قطار "منوف": "بنتي كانت بتعيط.. والكمسري قالي مش هسيبك غير لما أحبسك"

كتب – معتز عباس:

كشف محمد رشاد، صاحب واقعة قطار "منوف- طنطا"، تفاصيل الفيديو الذي أثار حالة من الجدل والغضب على مواقع التواصل الاجتماعي، بسبب اعتداء الكمسري عليه أمام ابنته الصغيرة.

وقال "رشاد"، في لقائه ببرنامج "يحدث في مصر"، المذاع على فضائية "ام بي سي مصر"، اليوم الأربعاء: "أنا كنت قاطع تذكرة ولكن نزلت منه عشان قالوا في مقابل والقطر هيعمل مناورة.. لكن الكسمري رفض ينزلني وبنتي بتعيط وقالي مش هسيبك غير لما أحبسك.. قلت له احبسني شوفتني حرامي ولا سرقت منك حاجة".

وأضاف: "الكمسري كان عنده إصرار أدفع "تطويقة".. لكن الناس عرضوا عليه دفع ثمن التذكرة لكنه رفض منهم السيدة هناء قنديل وطلعت فلوس ليه لكن الكمسري رفض ياخدها"، متابعًا: "بعد كدا خلص الموضوع نزلت المحطة والناس حجزوا على الكمسري لغاية ما نزلت وأمين الشرطة نزل ورايا قالي اركب قولتله لا وبعدين القطر سحب وهو راح ركب بسرعة".

وأكمل: "أنا كنت في زيارة لحماتي مع ابنتي بعد وفاة زوجتي.. ولما روحت عند حماتي لقيت الفيديو انتشر".. مستطردًا: "ناس كتيرة بتتصل بيا بتدعمني وبتقولي كلنا معاك.. وأشكر الناس اللي وقفت جمبي لأني كن قلقان عشان معملتش حاجة".

وتابع: "محافظ المنوفية اعتذر لي ولابنتي وابلغني ان الكمسري تم وقفه عن العمل.. والفنان هاني رمزي كلمني عشان يعزمني على مسرحية أبو العربي".