بالفيديو| الجندي ينتقد مدعي التنوير: "ولا عارفين يتعلموا الطهارة ولا يطلعوا القمر"

كتبت - سماح محمد:

وجه الشيخ خالد الجندي - عضو المجلس الأعلى للشئون الإسلامية - رسالة لمن وصفهم بمدعي التنوير: "دول عندهم سلاح يتيم واحد وهو السخرية والتريقة، مفيش عندهم مخ، أحد المنتسبين إلى مهنة الطب، زورا وبهتانا، مش عاجبك الدعاء اللى قولته عن الوباء، إيه اللى عكننك.. إيه".

وتابع الجندي من خلال تقديمه حلقة اليوم الاثنين من برنامج "لعلهم يفقهون"، المذاع على فضائية "dmc" قائلاً: "طيب انا شيخ ودي شغلتي ارشدك دينيا ماذا نفعل، إذا حدث البلاء، او انا احترمتك كطبيب، وقلت ناخذ بالاسباب الطبية، انت بقى طبيب صنعت لنا ايه، عملت مصل لعلاج الفيروس، احنا بنلجأ إلى الله، بعدما ناخد بالتدابير والأسباب، ايه اللى مضايقك".

واستكمل عضو الأعلى للشئون الإسلامية: "هذا الشخص لا يعجبه شيء، وليس صادقا فيما يدعيه من تنوير والمسألة عنده شخصية، لا فالح فى الطب والدين، وعمال يهاجم ده وده، عامل زى النكتة بتاع الشخص اللى لا عايز يتعلم الطهارة ولا يطلع القمر زى الامريكان".