فريد شوقي يكشف كواليس وأسرار عن فيلم "جعلوني مجرما"
-
عرض 20 صورة
-
عرض 20 صورة
-
عرض 20 صورة
-
عرض 20 صورة
-
عرض 20 صورة
-
عرض 20 صورة
-
عرض 20 صورة
-
عرض 20 صورة
-
عرض 20 صورة
-
عرض 20 صورة
-
عرض 20 صورة
-
عرض 20 صورة
-
عرض 20 صورة
-
عرض 20 صورة
-
عرض 20 صورة
-
عرض 20 صورة
-
عرض 20 صورة
-
عرض 20 صورة
-
عرض 20 صورة
-
عرض 20 صورة
كتبت- بهيرة فودة:
كشفت الفنانة رانيا فريد شوقي عن أسرارًا وتفاصيل جديدة عن فيلم "جعلوني مجرما"، من بطولة وتأليف والدها الفنان الراحل فريد شوقي.
ونشرت رانيا صورة لوالدها من لقائه في برنامج "لسه فاكر"، عبر حسابها الرسمي بموقع "إنستجرام".
وعلقت رانيا على الصورة بحديث والدها عن العمل في البرنامج: "فيلم "جعلوني مجرما" حضرتك مش بس البطل فيه لكن المنتج كمان .. عايزين نعرف إزاي بدأت قصته ؟
ليرد فريد شوقي: "أنا أخويا اللوا أحمد شوقي الله يرحمه كان ظابط لسه بنجمة واحدة في إصلاحية الأحداث في القناطر الخيرية، كنت بزور أحمد فلفت انتباهي الولاد دول فتعمقت في الموضوع .. قالولي دول أولاد نشال في تروماي .. نشال في أتوبيس .. مرات أب جايبة ولد هنا .. أب سكير بيتجوز فيجيب ابنه هنا .. فيهم يعني أولاد مظلومة".
وأضاف شوقي :"الأطفال كانوا بيدخلوا يتعلموا حرفة، نسيج، نجارة، لكن معظمهم للأسف مبيتعلموش وبيخشوا جوه بيبوظوا أكتر أنا شفت ده بعيني، يخرج من الإصلاحية معاه حاجة اسمها الشهادة الصفرا .. مثلا وقد كان نجار .. يروح يدور على شغل يسألوه اتعلمت فين ؟ يوريهم الشهادة يكشوا منه .. يعمل إيه الولد ده ؟ يرجع تاني للسرقة .. منهم بيعانوا عناء فظيع لأنه عايز يتوب بس مش لاقي طريق للاستقامة إطلاقا".
وتابع الراحل فريد شوقي :"خرجت كتبت لأول مرة .. وساعدني العظيم سيد بدير .. ولأول مرة أجيب الأستاذ الكبير نجيب محفوظ .. بقينا نلتقي أنا وسيد بدير ونجيب محفوظ وعاطف سالم المخرج .. سنة .. كل أسبوع ٤ أيام .. كعشق .. كإني بقابل حبيبتي في الكازينو".
وأكمل شوقي:"في الآخر بعد ما قفلنا السيناريو كان باقي آخر قسط لنجيب محفوظ .. بديله الظرف لقيته بيرجعهولي وبيقولي لأ .. أنا لو معايا فلوس كنت رجعت كل اللي أخدته وحطيت عليه كمان لأني شاركت في هذا الفيلم".
واختتمت رانيا فريد شوقي تعليقها :"جزء من لقاء الفنان فريد شوقي في برنامج لسه فاكر".
يذكر أن فيلم "جعلوني مجرما" عُرض 1954، بطولة النجوم فريد شوقي، هدى سلطان، يحيى شاهين، رشدي أباظة، نجمة إبراهيم، سراج منير، حسن البارودي، محمد رضا، تأليف الراحل فريد شوقي، إخراج عاطف سالم.
View this post on Instagram
أقرأ أيضا:
"الخناقة حامية أوي".. عبير صبري تكشف عن صورة كواليسها مع ريهام حجاج
حلا شيحة تكشف عن صورة نادرة مع والدتها
فيديو قد يعجبك:
