"أول مرة حد يعرفها".. عبدالحفيظ يفجر مفاجأة بشأن عدم انضمام أحمد رفعت للأهلي

كتب- محمد خيري:

كشف سيد عبدالحفيظ مدير الكرة بالفريق الأول للنادي الأهلي السابق، مفاجأة بشأن عدم تعاقد الأهلي مع الراحل أحمد رفعت، في المواسم الماضية.

وتوفي أحمد رفعت لاعب فريق مودرنفيوتشر، يوم السبت الماضي، بعد تدهور صحته، عقب خروجه من المستشفى وتلقي الرعاية الطبية.

قال سيد عبدالحفيظ في لقاء تلفزيوني عبر قناة "إم بي سي مصر": "هقول حاجه لأول مرة محدش يعرفها قبل كده، اللي فصل انتقال أحمد رفعت للنادي الأهلي فكرة جت في دماغي الساعة 2 بليل، يعني الصبح كان هيكون لاعبا في الأهلي يناير 2023".

أضاف: "كنا اتفقنا على جميع البنود، وننتظر وصول اللاعب مع فريقه فيوتشر إلى القاهرة لأنه كان بيلعب ماتش في أفريقيا، وجت في دماغي فكرة خناقة جنش مع أحمد رفعت، وبعدين اللاعب ملعبش خالص في الدوري الفترة دي مع فيوتشر".

أكمل: "أنا قعدت أفكر هل مباراة أفريقيا اللي هو بيلعبها، خاصة بالموسم ده ولا اللي قبله؟؟، هل هذه المباراة من الموسم اللي شغال ولا اللي قبله، لو اللي قبله تمام ييجي الأهلي مفيش أي مشكلة، لكن لو الموسم اللي شغال مكنش يلعب عندي أي لأي نادي لأنه كان لسه منتقل من نادي الوحدة وما ينفعش يلعب لثلاث فرق في فترة انتقال واحدة".

وأتم تصريحاته: "تواصلت مع كابتن الخطيب بليل يومها، قولتله لازم نشوف موقف أحمد رفعت قبل إتمام التعاقد، لأن لو ده الانتقال الثالث اللاعب هيتوقف، وفعلا كلمنا نادر شوقي وكيله ووقفنا كل الإجراءات لحين الاستعلام في اتحاد الكرة، وكانت الفكرة صح غير قانوني انتقاله للأهلي في الفترة دي".

اقرأ أيضا:

"عنده حق".. ميدو يدافع عن كولر ويوجه رسالة قوية

هل أنصح الشناوي بمغادرة الأهلي؟.. مدرب المنتخب السابق: شوبير أحسن من والده

" من المدرسة إلى ليفربول".. 30 صورة ترصد قصة كفاح محمد صلاح وزوجته