"لو وقعت للأهلي قولي".. طارق السيد يكشف تفاصيل مكالمته مع فتوح

كشف طارق السيد نجم الزمالك السابق، تفاصيل حديثه مع أحمد فتوح، لاعب الفريق الأبيض، لمعرفة أخر تطورات ملف تجديد عقده مع الأبيض.

قال طارق السيد في فيديو عبر صفحته بموقع التواصل الاجتماعي: "مينفعش لاعب زي أحمد فتوح يتساب لأخر لحظة لأن الاغراءات كتير وفتوح كل اللي طلبه أمرين".

أوضح طارق السيد: " فتوح طلب تسديد مستحقاته القديمة اللي وصلت 10 مليون جنية، وقال إن عليه ديون، والحاجه التانية يتساوي مع زملائه فى الفئة ألاولي، داخل الفريق".

وأكمل: "جمعتني مكالمة مطولة مع أحمد فتوح، سألته لو وقعت للأهلي قولي وانا مش هتكلم أو أقول لحد، اللاعب أكد إنه موقعش وعاوز الزمالك ونفسه يجدد".

أضاف: "فتوح قالي إنه لو عاوز يمشي كان مشي من وقت الكلام اللي اتقال ضده والتشهير بيه ووقتها كان يقدر يفسخ العقد، لكن هو رغبته الاستمرار في الزمالك وأكد ده في أكثر من مناسبة وبلغ المسؤولين".

جدير بالذكر أن عقد أحمد فتوح ينتهي بنهاية الموسم المقبل، ويحق له التوقيع لأي فريق خلال فترة الانتفالات الشتوية المقبلة بشهر يناير.