الأندية تمتنع عن التعاقد مع الميرغني.. واللاعب بدون فريق في الموسم الجديد

كتب- علي البهجي:

أكد أحمد الميرغني، لاعب الزمالك السابق، أنه أصبح خارج حسابات أي نادي، بعدما تم غلق فترة القيد رسميًا، ولم يتم قيده في قائمة فريقه الحالي وادي دجلة، مؤكدًا أنه لم يكن يتخيل ان يتسبب تعليقًا في وصول الأمر لدرجة حرمانه من اللعب في أي فريق.

وكتب الميرغني عبر صفحته الشخصية على موقع التواصل الاجتماعي" فيس بوك"،:" بمناسبة ان فترة القيد اتقفلت خلاص احب اقول اني بعد ما كتبت البوست مكنتش متوقع ان كل ده هيحصل بس بعد ما روحت الفندق بعدها و شوفت اللي حصل بداية من اسبعادي من مباراه الاهلي توقعت انه هيحصلي اللي بيحصل دلوقتي و اني مش هلاقي نادي بس ناس كتير كانت بتطمني و متخفش ده مش هيحصل و فعلاً لما كان حد بيكلمني علي نادي كنت بفرح بس بعد كده كان بيتأكدلي اللي كنت بتوقعه برفض اداره اي نادي".

وأضاف:" بعدها ناس كتير حاولت تساعدني و انا كنت طلعت قولت اني ممكن اكون غلطت في لفظ فاشل و دي الحاجة اللي ممكن اعتذر عليها بس كله كان بيقولي اني لازم اعتذر علي كلامي كله بس انا مكنتش مقتنع بصراحة و انا دلوقتي راضي ومستحمل نتيجة كلامي و قراري".

ووجه لاعب الزمالك السابق الشكر لكل شخص سانده خلال أزمته الأخيرة.

وكان الميرغني نشر قبل عدة شهور منشورًا على صفحته الشخصية على "فيس بوك" هاجم خلاله النظام الحاكم، الأمر الذي تطور لاستبعادة من الفريق، قبل أن يتم حرمانه من ممارسة كرة القدم.