ميار شريف: "مش أي حد يقدر يلعب في بطولة رولان جاروس"

كتب- معتز عباس:

استضافت الفنانة إسعاد يونس البطلة المصرية في لعبة كرة التنس، ميار شريف، ضيفة على برنامج "صاحبة السعادة"، للحديث عن رحلتها في تنس حتى وصولها لمنافسات بطولة رولان جاروس.

وقالت "ميار"ـ إنها كانت لابد من الفوز بثلاث مباريات عقب التأهل للبطولة، مضيفة أنها كانت خائفة بعض الشيء عقب نزولها ملعب المباراة بسبب كثرة كاميرات التصوير واتساع الملعب.

وأضافت: "الناس كانت بتقول حظي وحش عشان لاعبت المصنفة الثانية عالميًا، أنا دخلت البطولة وأنا واثقة من نفسي أني أقدر أنافس ومش ضعيفة قدام أي حد".

وتابعت: "مش أي حد يقدر يلعب في البطولة دي، اللي بيدخلها لازم يكون ضمن الـ200 على التنصيف العالمي، وفي ناس بتقعد 3 سنين وبتاخد بطولات عشان تقدر تدخل التصنيف، لكني قدرت ادخلها من بعد سنة ونصف".

وأكملت: "لما نزلت الملعب حسين أني مستريحة ومستمعة وحسيت بثقة عليا جدا وأني عندي فرصة أكسب، والناس فاكرة أني اتظلمت في القرعة عشان لعبت مع المصنفة الثانية لكن دا مش صحيح أنا كان عندي فرصة كبيرة أني أكسب".

ودعت ميار شريف لاعبة منتخب التنس بطولة رولان جاروس، بعد الخسارة أمام المصنفة الرابعة عالميًا التشيكية كارولينا بلشكوفا بنتيجة 2 / 1 فى الدور الرئيسى من البطولة.