بيومي فؤاد بعد أزمة محمد سلام يدافع عن محمد أنور: "كلنا اتشتمنا وأنور كان بيبكي"

حل الفنان بيومي فؤاد ضيفًا على برنامج "حبر سري" تقديم أسما إبراهيم ويعرض على قناة "القاهرة والناس".

وتطرق "بيومي" للعديد من الموضوعات منها أزمته الأخيرة في "موسم الرياض"، وعن مشاريعه خلال الفترة الماضية، كما قام بالرد على مهاجميه منهم المخرجة كاملة أبو ذكري، وعلاقته بنجوم الوسط الفني، إلى جانب عودته بمسلسل "الكبير أوي 8" في دراما رمضان هذا العام.

وتحدث الفنان بيومي فؤاد عن أزمته مع الفنان محمد سلام ودافع عن الفنان محمد أنور الذي جاء بديلًا لـ "سلام" في العرض المسرحي بالرياض، وكشف عن العديد من التفاصيل لأول مرة في فقرة بعنوان "قد الكلام".

وبسؤاله من قبل اسما إبراهيم: "قد الكلام ولا بعد الحملة الشرسة عليك تراجعت عن الكلام ده".

ورد "بيومي" قائلا: "قده عشان راجل، معلش أنا سخيف انهاردة وهمسك في جملة عشان راجل قد وقدود حاجة واحدة طالما حضرتك عرضتي الفيديو ده أنا بعتذر عنها لكل الناس أن أنا مش جاي أضحك لأ أنا جاي أضحك، سمير غانم عمره ما بكانا سمير غانم عمره ما عمل مشهد جد وهو نجم النجوم عشان كده لما توفي رحمة الله عليه كتبوا عاش قد ما عاش بيضحكنا انهاردة بس بكانا، والضحك ده شيء جميل والكوميديا دي شئ صعب وانا بعتذر عن جملة احنا مش جايين نضحك لأ احنا جايين نضحك".

ودافع عن الفنان محمد أنور الذي كان بديلًا للفنان محمد سلام قائلا: "أنا بيسموني عمدة المصريين لما بطلع بمسرحية وبحس أني رئيس بعثة بحس أني مسؤول عن الناس بتوعي، كلنا اتشتمنا لما روحنا والحملة كانت شرسة على محمد أنور عشان هو كان البديل، وكان من الحاجات اللي فاكرها واللي اتقال عليا أنا الحياة بتتعاش مرة واحدة يا تعيشها سلام يا تعيشها أنور، وأنور كان بيبكي وكنا بننزل نفطر ونتغدى ونتعشى أنور مش معانا".

اقرأ أيضا:

50 صورة من حفلات سحور النجوم.. مي عمر وبسمة بوسيل ويسرا الأبرز

"مش هنرجع تاني أبدًا".. هشام ماجد يكشف سبب انفصاله عن أحمد فهمي