مي عمر: رضوى الشربيني هتقتل "نعمة".. و"الأسطورة فاتحة خير عليا"

القاهرة- مصراوي:

علقت الفنانة مي عمر على تكرارها العمل مع زوجها المخرج محمد سامي قائلة: "محرمتش اشتغل مع محمد سامي لأنه مخرج أي حد يتمنى أنه يشتغل معاه، واحنا قصة حب قديمة أوي، وقبل ما يتعرف كنت بتفرج على شغله، وكنت بشوف كم المجهود والضمير وأقول هل هيجي اليوم اللي هشتغل عمل من بطولتي وهو مخرجه؟، ويا حظي السنادي أنه مخرج عملي".

وقالت مي عمر، خلال استضافتها ببرنامج "أسرار" مع المذيعة أميرة بدر المعروض على قناة النهار: "نعمة الأفوكاتو من أكتر الشخصيات اللي حبيتها، عشان مختلفة في طريقة كلامها وهزارها وردودها وشكلها ولبسها، وشبه ناس كتير نعرفها، وفي كتير منها، ومقدرش أقول إن الست غلط، لكن الغلط هو رد فعل الرجل، ورضوى الشربيني هتقتل نعمة، لكن برضو فيه رجالة كويسة، والنماذج كلها موجودة، مش بس في مصر لكن في دول كتير في العالم، اللي يهمني رد فعل الجمهور على العمل، والجمهور بيحب العمل الجيد".

وأضافت مي عمر قائلة: "الأسطورة فاتحة خير وهو اللي قدمني للناس بسبب دور شهد، والكل كان بيناديني بشهد، رغم اني عملت ادوار كتير ناجحة بعده، وسألت محمد ليه الناس بتناديني بشهد كتير، قالي ده طبيعي لنجاح الدور، لحد ما عملت لؤلؤ، وحبيتها جدًا ولما الديكور اتهد عيطت، واتحولت من شهد لـ لؤلؤ".

برنامج "أسرار" تقدمه أميرة بدر على شاشة النهار يومياً خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.