مها أحمد عن غيابها رمضان 2024: "قعدتي على التيك توك أفضل ونجاج مجدي نجاحي"- (خاص)

كتب- مروان الطيب:

كشفت الفنانة مها أحمد عن السبب وراء عدم مشاركتها بأي أعمال في رمضانهذا العام.

وقالت في تصريحات خاصة لمصراوي: "أنا موجودة في رمضان موجودة مع رامز وموجود في برنامج أميرة بدر والحمد لله موجودة مع الناس وفاكريني، وكان المفروض فيه عمل اسمه "ليلة كبيرة" والعمل ده كان المفروض ينزل ومنزلش معرفش ليه هو مسلسل كوميدي 15 حلقة، وكان المفروض يتعرض علي المنصات إخراج وسام المدني ومعايا النجمة الكبيرة هالة فاخر والفنان محسن منصور ومجموعة كبيرة جدًا وعاملين حاجة مختلفة وحلوة أوي، وكان المفروض ينزل قبل رمضان وقالولي احنا بنبيعه وهيتعرض في رمضان".

واستكملت: "وأنا منتظرة يقولوا لي هيتعرض على منصة وياريت أتمنى من ربنا إنه يتعرض في النصف الثاني من رمضان علشان ناس كتير بتسألني وكفاية حب الناس عندي بالدنيا وبرضه ماكدبش عليك وجود مجدي زي وجودي ونجاحي يعني مجدي معاكم في رمضان في النص التاني مع محمد عادل إمام في مسلسل كوبرا وعامل شخصية مختلفة وإن شاء الله ربنا يكرمه ومبقتش فارقة أني لازم أبقى طالعة في رمضان".

وأضافت: "وأنا والله كنت أتمنى أبقى موجودة في رمضان ولكن ما باليد حيلة وفي نفس الوقت أنا عملت اللي عليا والعمل اللي جالي ولقيته حلو ومناسب اشتغلته مع منتج محترم ومخرج محترم وعشمنا فى ربنا انها تتشاف، وأنا مش متأخرة والله اللي بيتعرض عليا لو مناسب أنا بتكل علي الله، لكن لو اتعرض عليا حاجة مش مناسبة حرام عليا قعدتي في البيت أفضل طالعتي علي التيك توك أفضل وكده كده أنا موجودة".

اقرأ أيضا:

مراقبة العصابة وعرض من المحامي.. كواليس الحلقة الرابعة من مسلسل مسار إجباري

"سيبوني يومين بره قبل الدفنة"... فيفي عبدة تكشف عن وصيتها بعد وفاتها