محمد سامي: هاخد الأوسكار ويوسف شاهين الأنجح لكن مش أكتر حد بحبه

كتبت- منال الجيوشي

علق المخرج محمد سامي على مقارنته بالمخرج الكبير يوسف شاهين.

وقال سامي خلال استضافته ببرنامج "أسرار" مع الإعلامية أميرة بدر، المذاع على قناة النهار: "يوسف شاهين جزء من التراث وهو أنجح مني ومش أكتر مخرج بحبه، ومقارنتنا بالتراث ظلم لينا وتقليل منهم".

وتابع عن نجاحه في السينما ومقارنته بنجوم الزمن القديم قائلًا: "لو قبل العالم أن يصنع اساطير هنبقى زي زمان، وأنا ناجح دراميا ومستني أعمل كده في السينما"

وأضاف سامي في حديثه عن أعماله الجديدة قائلًا: "عندي أفلام أحسن بس بخاف ونفسي معملش أعمال تجارية، وبشتغل على فيلم كونغولي ومعايا حقوق القصة ومعالجة كاملة ومعايا كاتب معاه الأوسكار أمريكاني وبيكتب في الفيلم، وكنت مرشح لست حلقات لمسلسل عالمي لكن مخرج تاني اللي عملها".

واستطرد قائلًا: "نفسي أخد الأوسكار ونفسي أوصل للعالمية بطريقتي، عمري ماطلبت من ربنا حاجة صغيرة بطلب بطمع دايماً"

برنامج اسرار تقدمه الإعلامية أميرة بدر على شاشة النهار يومياً في تمام الساعة التاسعة مساءً، تستضيف من خلاله عدد من نجوم الفن والرياضة والسياسة في مصر.