خالد الصاوي: "بحب التمثيل بس هو مش بيحبني"

كتب- محمد أبوالمجد:

قال الفنان خالد الصاوي: "أنا حاليًا ومنذ سنوات ممثل محترف وأحب الكتابة ولكني أظن إنني ممثل أولًا ثم كاتب، لحين ما يثبت شيء آخر ملموس، ولدي الكثير من الهوايات ولكن التمثيل هو حياتي".

وأضاف "الصاوي" في حوار مع الإعلامية منى عبد الغني، في برنامج "أنا والقناع"، على فضائية "الحياة"، مساء اليوم الأحد: "لما قعدت راجعت نفسي لقيت أن التمثيل أول حاجة في كل هواياتي، لأنه كان أكثر وجع عندي لأني كنت بحس إني بحب التمثيل بس هو مش بيحبني".

وتابع: "عارف إني مليان عيوب بس مش عارف أسيطر عليها وكان التمثيل قمة الحاجات اللي بحاول أوصلها"، مؤكدًا: "مع الوقت بقيت أكتشف أني لازم أبص لنفسي نظرة تانية إني مش بتاع نفسي بس طالما أنا فنان الناس هتحب حاجة معينة فيا، وحبوني عشان بمثل مش عشان حاجة تانية".

وأكد: "التمثيل هو اللي صرف على المسرحيات اللي كتبتها وأخرجتها، مع أفضال مسرح الهناجر طبعًا"، موضحًا: "بعد سنوات طويلة من مراجعتي لنفسي وامكانياتي وسني لقيت أن تعدد مواهبي تعدد أسلحة وكروت ليا عشان علاقتي بالحياة بقت أفضل بيهم".

تفا