لوسي عن احتراف الرقص: "معملتش حاجة غلط وربنا بيغفر وبيسامح"

كتب- معتز عباس:

قالت الفنانة لوسي، إنّها تحب الفن، حيث التحقت بمعهد الباليه منذ أن كانت في التاسعة من عمرها وبدأت الرقص في الأفراح في الحادية عشرة من عمرها، موضحةً: "لو كلنا قعدنا سمعنا كلام الناس مش هنعرف نشتغل، أنا مندمتش على الفن والرقص، معملتش حاجة غلط".

وأضافت لوسي، خلال لقائها ببرنامج "العرافة"، تقديم الإعلامية بسمة وهبة، المذاع على قناة "المحور"، اليوم الثلاثاء، أنها اضطرت إلى الرقص في الأفراح في عامها الحادي عشر بسبب ظروفها الخاصة، متابعة: "تركت دراستي وكل حاجة وكنت مهتمة أجيب قرش عشان أكل بيه أسرتي وأحضر ليهم الفطار الصبح".

وأكملت: "كنت سعيدة وأنا برقص ومحستش إن ده ظلم وأنا عندي موهبة، والجواز بالغصب واللي مش راضي عليه الأهالي بيعمل مشاكل، واللي بيدفع تمنها الأطفال، سمعتي حلوة والناس بتحبني وبحب الناس والشغل والرقص والتمثيل والفن"

وتابعت: "لو عملت حاجة غلط هقول لربنا اغفر لي وسامحني، لكن أنا معملتش حاجة غلط، أنا عملت حاجة العالم كله بيحبها ويقدرها".