"متجوز وعنده فيلا بالتجمع".. برنامج "العرافة" يشعل أزمة بين حسن شاكوش وزوجته

كتب – معتز عباس:

استضافت الإعلامية بسمة وهبة، الفنان الشعبي حسن شاكوش، وزوجته ريم وذلك في الحلقة الخامسة من برنامجها "العرافة"، المعروض عبر فضائية "النهار"، اليوم الإثنين.

وأثار "شيخ العرافين" شكوك زوجة شاكوش، عندما وجه لها سؤال: "عارفة مين صاحبة السلسلة الصغيرة التي يرتديها حسن ومش بيقلعها.. عارفة مين اللي جابها ليه"، لتظهر علامات التوتر على حسن شاكوش ويسأله مالها السلسلة يعني".

وسألته ريم قالة: "ليه يا حسن مش بتقلع السلسلة"، ليرد عليها "شاكوش"، قائلًا: "قلت لِك أنا بحبهم".

ودافعت ريم عن زوجها بقولها: "خلاص دي حاجة بيحبها"، ليعقب شيخ العرافين: "ما تقول يا حسن مين جابلك السلسة ولا أقول أنا.. أنا عارف بس ريم ماتعرفش".

وهدد مؤدي المهرجانات بترك الحلقة، موجهًا حديثه لـ"بسمة": "شوفيه يا دكتورة عشان ليلته اللي متفوتش دي، هيتكلم في أي حاجة تانية أنا ممكن أقوم وأسيب الحلقة".

وأكمل شيخ العرافين: "عارفة إن عنده فيلا فى التجمع؟ وقالك على الجوازة، والعربية اللي جابها؟"، ليقوم شاكوش من مكانه موجهًا حديثه لـ بسمة وهبة قائلًا: "أنا ممكن مكملش الحلقة وأمشي، أنا قلت لك مش عاوز أطلع في برامج، أنا ممكن مكملش الحلقة وأمشي".

وأضاف: "عنده عروسة هو مقلكيش يا ريم، ما تقول يا حسن، هو متجوز يا ريم مش متجوزك انتي، حسن متجوز غيرك".

جدير بالذكر أن حسن شاكوش احتفل قبل رمضان بأيام بزواجه من فتاة من خارج الوسط الفني، في حفل زفاف شهد حضور كوكبة من نجوم الفن، بينهم تامر حسني، هنادي مهنا، إلى جانب حضور صديقيه حمو بيكا وعمر كمال.