مي عمر: مستحيل أشتغل مع غادة عبدالرازق.. فيه حاجات صعب أتخطاها"

كتب – معتز عباس:

أكدت الفنانة مي عمر، رفضها تقديم بطولة مشتركة مع النجمة غادة عبدالرازق بسبب خلافها القديم مع زوجها المخرج محمد سامي.

وتابعت مي عمر: "مستحيل وخلافنا موضوع قديم، لكن لازم يكون في كيميا بيني وبين الممثل عشان نعرف نعمل شغل حلو، معتقدش هنقدر نقدم شغل حلو مع بعض".

وقالت "عمر"، خلال لقائها ببرنامج "حبر سري"، تقديم الاعلامية أسما إبراهيم، المذاع على قناة "القاهرة والناس"، اليوم الأحد، أنها لا تعتقد إمكانية تقديمها عمل جيد مع النجمة غادة عبدالرازق، مضيفة: "كان في خلاف قديم ومش معنى أنه عدى أننا نشتغل مع بعض".

وأضافت: "أنا مكنتش موجودة في الموضوع أصلًا أو المقصودة بالخلاف، ولكن الموقف مع جوزي وهي نجمة وممثلة شاطرة جدا، ولكن زعلت عشان جوزي، في حاجات صعب تخطيها"

وتابعت: "اتظلمت كتير وكنت بحس بالظلم زمان لما كان يتقال عليا أني في التمثيل بسبب جوزي محمد سامي ولكن بعد فترة بقيت أفكر بعقلانية وجوزي قدمني، ولكن بعد أعمال كتير عملتها مينفعش يتقال جوزي ومفيش حد بيفرض حد على الناس، وفي ناس كتير بيتعمل لها كل حاجة ومش بتنجح والمهنة دي مفهاش حد يفرض حد على الناس".