سمية الخشاب توجه رسالة لـ غادة عبدالرازق: وحشتيني وأتمنالك السعادة

كتبت- منى الموجي:

أعادت الفنانة سمية الخشاب، نشر مقطع فيديو من حوار الفنانة غادة عبدالرازق، على قناة MBC مصر، تحدثت فيه الأخيرة عن الأولى، وأكدت أنها تحبها على المستوى الشخصي.

وكتبت سمية عبر حسابها على موقع "تويتر": "حبيبتي غادة فرحت أوي انك أول ما شوفتي صورتي ضحكتي من قلبك وحشتيني.. وفكرتيني بأيام الحاج متولي الجميلة، اللي جمعتنا وكانت أحلي ذكريات لعمل سيظل أيقونة في الدراما العربية ونجاحات كتير مع بعض، اتمنالك السعادة وراحة البال".

غادة كانت قد ضحكت بمجرد أن ظهرت صورة سمية على الشاشة، وقالت "بحبها جدا، دمها خفيف اكتر واحدة كانت بتضحكني أنا وماجدة في الحاج متولي، وكنا دايما نقولها المشهد ده تمثيل ولا مراية، احنا بعد انتهاء المشهد يدخلنا ماية أو أكل، سمية كانت يدخلها المراية، نقولها خلاص ركزي احنا بنقول الكلام، كانت فظيعة سمية فيها العادة بتاعة المراية".

وتابعت "على المستوى الشخصي بحبها بصراحة مشفتش منها حاجة وحشة ولا اذتني ولا حاجة، كان فيه فترة بيطلع كلام كنت عارفة ان فيه ناس بتسخن لكن هي معملتش حاجة تضرني ولم تغتابني بكلام، مفيش حاجة تخليني ابقى شايلة منها".

جدير بالذكر أن مسلسلات رمضان 2022 تشهد غياب النجمتين غادة عبدالرازق وسمية الخشاب عن المشاركة في أي عمل فني، بعدما شاركت الأولى في رمضان 2021 بمسلسل "لحم غزال"، وقدمت الثانية مسلسل "موسى" في نفس العام.

حبيبتي غاده♥️ فرحت اوي انك اول ما شوفتي صورتي ضحكتي من قلبك وحشتيني.. وفكرتيني بايام الحاج متولي الجميلة اللي جمعتنا وكانت احلي ذكريات لعمل سيظل ايقونه في الدراما العربيه ونجاحات كتير مع بعض، اتمنالك السعاده وراحه البال @GhadaAbdelRazek pic.twitter.com/cYrk3LoAES

— Somaya Elkhashab (@somayaelkhashab) April 9, 2022