إلهام شاهين عن جائزة فيلم الهلفوت: "عادل إمام أستاذ الأساتذة.. وبلاش تخرفو"
كتب- مينا غالي:
علقت الفنانة إلهام شاهين، على هامش حوارها مع الإعلامية بسمة وهبة، مقدمة برنامج العرافة عبر قناة المحور، على مزاعم غضب الفنان الكبير عادل إمام منها بسبب حصولها على جائزة عن فيلم "الهلفوت".
وقالت: "هو أكبر من أي جوائز مزعلش وإحنا حبايب وبموت فيه، ده أستاذ الأساتذة، انتو جايين تخرفوا، ده أكبر نجم في مصر، جايزة إيه اللي يزعل منها".
وتابعت الفنانة: "شاركت مع عادل إمام في فيلم رمضان فوق البركان، وقالي أنتِ ليه قبلتِ الدور ده؟! فقلت له لو هعدي قدام الكاميرا عشان أنت فيها، أنا موافقة، فقالي إن إمكانياتي قوية وعملتِ دور قوي في الهلفوت، لكن ده عادل إمام".
وأضافت: "أنا بعشق عادل إمام، بس بقالي فترة مبكلمهوش، لأنه مبيردش على حد في التليفونات وأخر مرة التقينا، كان في سحور ابنه أو زوج بنته عمله في رمضان الماضي".
فيديو قد يعجبك: