"الاختيار 3" الحلقة 25.. اجتماع مرسي مع القوى لمناقشة سد النهضة.. والسيسي يطلب "وقفه فورا"

كتبت- منال الجيوشي:

شهدت الحلقة الـ 25 من مسلسل "الاختيار 3" والتي تعرض على شاشة (ON E) العديد من الأحداث أبرزها:

تلتقي رئيس دار الأوبرا المصرية الفنانة إيناس عبدالدايم، بوزير الثقافة علاء عبدالعزيز، وتخبره أن لديها تحفظ على كلمة "تطهير" والذي استخدمها كثيرا لأنه لفظ به مهانة لفناني ومثقفي مصر.

يخبرها الوزير أن الهدف من اللقاء هو التعاون والنهوض بدار الأوبرا المصرية، وأن دار الأوبرا المصرية تنفق أموال كثيرة على فنون مثل الباليه فاعترضت قائلة إن المصريين القدماء اسستخدموا الرقص التعبيري وهذه هوية من هويات مصر، وفي ظل تنامي التيارات الرجعية والمتشددة تخشى أن يقوم أحد بإلغاء فن البالية.

قال الوزير إنه لن يلغي فن الباليه، ولكنه يريد استغلال القاعات والمسارح الكبرى في الحصول على عائد مادي سريع من خلال تأجيرها لشركات وأحزاب.

لترد عبدالدايم: هي مش قاعات أفراح ومش بنأجرها بالساعة، الأوبرا مش محتاجة حد يدافع عنها، اللي بنى الأوبرا المصرية الخديوي إسماعيل من أكتر من 140 سنة مكنش حسن البنا اتولد وقتها.

تقيل حكومة الإخوان الدكتورة إيناس عبدالدايم فيعترض مثقفين وفناني الأوبرا، ويتم إلغاء عرض أوبرا عايدة في حدث يحصل للمرة الأولى من 14 عام، ويصفون القرار بـ"العشوائي" وخطة ممنهجة ضد مثقفي مصر.

يتباحث محمد مرسي (صبري فواز) في أزمة سد النهضة، بعد قيام أثيوبيا بتحويل مجرى النيل بمجرد عودته من زيارة لأثيوبيا.

تجمع المخابرات الحربية معلومات عن الإرهابيين سيد وحافظ وأبو خالد واستعدادهم لدخول شحنة سلاح من الصحراء الغربية

في جهاز المخابرات العامة المصرية يتم التوصل لإرهابي أجنبي يدعى نزار عامر يقوم بتدريب أشخاص وإرسالهم لسوريا .

في اجتماع لوزير الدفاع الفريق عبدالفتاح السيسي (ياسر جلال) مع قيادات الجيش، يقول: يا حضرات القادة التقارير اللي بتجيلي عن حجم عمليات التهريب خطيرة جدا وبصفة خاصة تهريب السلاح وبتتم من جميع الاتجاهات الغربي والشمالي الشرقي

متابعا: لازم نكون مستعدين نواجه أي خطر بيواجه مصر، وبستعرض معاكم تقرير المخابرات الحربية محاولات إغراق مصر بالسلاح الليبي، اللي اتوزع على ميلشيات ومرتزقة في ليبيا حسب تقرير قائد قوات حرس الحدود، الموضوع خطير لأن قطعة سلاح معناها إراقة دم المصريين، لازم نعرف السلاح داخل لمين وهيتعمل بيه إيه، المحاولات مش من الغرب بس من جميع الاتجاهات، سلاح حرس الحدود ينسق مع العمليات الخاصة وتكون قدامي خطة متكاملة معمولة من نار وجاهزة للتعامل مع كل المتغيرات اللي بتحصل، إحنا معندناش رفاهية نقدر ومنقدرش، إحنا نقدر، لأن بقاء الدولة المصرية معتمد بالأساس على إعادة بنائها

في مكتب الإرشاد يلتقي خيرت الشاطر (خالد الصاوي) ومحمود عزت (مجدي سعيد) ويتحدثان عن حركة تمرد.

خيرت: إحنا مش هنركز دلوقتي مع موضوع إثيوبيا وسوريا، إحنا محتاجين نركز على يوم 30 يونيو، والعيال بتوع تمرد، الإعلان بقى له صدى في الشارع.

عزت: عاصم عبدالمجيد بيقول إن حملة تجرد عاملة شغل وجمعوا حوالي 5 ملايين توقيع

خيرت: يا دكتور شغل إيه، إحنا عارفين وسايبين عاصم والجماعة الإسلامية، لازم يبقى معانا خطة بديلة عشان لو الأمور فلتت في 30 يونيو

يعقد مرسي اجتماع مع القوى لمناقشة أزمة سد النهضة، ويذاع الاجتماع على الهواء ويسخر الشعب وقتها مما يحدث.

يطلب الفريق عبدالفتاح السيسي مكتب رئيس الجمهورية، ويطلب من مدير مكتب "مرسي" أن يتوقف الإجتماع، قائلا: دكتور أحمد اللي بيحصل في التليفزيون مهزلة وهيسبب أضرار كبير الإجتماع لازم يتوقف فورا.

يتحدث صفوت حجازي ومحمد البلتاجي عن تمرد، ويتحدث الأول عن أسامة ياسين مع حلول سوف يلجأون لها للتعامل مع شباب تمرد.

بينما يجتمع أسامة ياسين مع أحد الشباب المنتمين للجماعة، ويقول: أهم حاجة التقسيم، السلاح في مكان والرجالة في مكان

يوجه سلاح حرس الحدود ضربات موجعة للهاربين والخارجين على القانون والعناصر الإرهابية والتكفيرية

يتلقى عدد من شباب تمرد تهديدات من مجهولين بعدما وجدت الحركة صدى شعبي كبير.

وضمن أحداث الحلقة تم عرض تسريب فيديو يظهر فيه القيادي الإخواني خيرت الشاطر، يتحدث فيه عن الإعلام وأصحاب القنوات الفضائية.
وقال الشاطر: إنما النهاردة القنوات الفضائية الرئيسية المملوكة لعدد من رجال الأعمال، وحضرتك تعرف أكتر مني إن دول استفادوا من النظام السابق أكتر من أي حد، أنا في قناعتي الشخصية إنهم ليسوا أصحاب مصلحة في استقرار الأوضاع في البلاد وإنهم من مصلحتهم إن الأمور يعني تمشي في اتجاه الفوضى واتجاه عدم الاستقرار لأن هما ممكن ملفاتهم تتفتح، وللأسف مع الانفتاح اللي حصل في المرحلة الأخيرة في الإعلام.
الشاطر متابعا: الإعلام ده كان زمان بيبقى موجه من قبل بعض أجهزة الدولة زي أمن الدولة أو غيرها، أو من بعض أجهزة النظام، دلوقتي موجه لمصلحة أصحابه بشكل مباشر في جزء كبير منه، ويمكن يكون البعض كمان مخترق عالميا بشكل أو بآخر زي ما حضرتك عارفوبالتالي هما مولعين البلد دلوقتي إعلاميا.

"الاختيار 3" بطولة: أحمد السقا، كريم عبدالعزيز، أحمد عز، ياسر جلال، خالد الصاوي، عبدالعزيز مخيون، صبري فواز، وعدد من ضيوف الشرف، ومن تأليف هاني سرحان، وإخراج بيتر ميمي.​