الاختيار 3.. حقبة حرجة في تاريخ مصر ونجوم برعوا في تجسيد أدوارهم

كتبت- منال الجيوشي:

يعتبر مسلسل "الاختيار 3" توثيقا هاما لحقبة تاريخية وساعات "حرجة" في تاريخ مصر الحديث.

"الاختيار 3" يتحدث عن فترة حكم جماعة الإخوان لمصر، وما شهدته هذه الحقبة من أعمال عنف واعتصامات وحصار لمؤسسات الدولة، وكيف تعاملت أجهزة الدولة المختلفة في إحباط محاولات الجماعة في النيل من أمن مصر واستقرارها.

أبطال الاختيار 3

العمل يضم نخبة من نجوم الفن أبرزهم: أحمد السقا في دور "مصطفى" ضابط المخابرات الحربية، وكريم عبدالعزيز في دور المقدم زكريا يونس ضابط الأمن الوطني، وأحمد عز الذي يجسد شخصية "مروان" ضابط المخابرات العامة المصرية.

كما شارك في بطولة العمل الفنان خالد الصاوي بدور خيرت الشاطر، والفنان عبدالعزيز مخيون بدور المرشد محمد بديع، والفنان صبري فواز بدور الرئيس المعزول محمد مرسي.

ياسر جلال

في تحدِ كبير خاضه صناع العمل، نجح الفنان ياسر جلال ببراعة في تجسيد شخصية الرئيس عبد الفتاح السيسي أثناء توليه منصب وزير الدفاع في فترة حكم الإخوان، ليظهر "جلال" بصوت وملامح الرئيس، وحاز الدور على إشادات كبيرة من النقاد والجمهور، وقال بطل العمل الفنان خالد الصاوي إن "ياسر" قدم "أصعب" دور في العمل.

تسريبات الإخوان

في آخر كل حلقة من العمل يظهر فيديو جديد لجماعة الإخوان الإرهابية، يتحدث كل منهم على حدى عن حادث شهير أو شخص أو دولة، مثلما حدث وظهرت تسريبات للمرشد يتحدث فيها عن عبدالمنعم أبو الفتوح، وتسريب للشاطر يتحدث فيه عن "انحرافات عصام سلطان"، وتسريب لمحمد مرسي يتحدث فيه عن أيمن نور، وآخر يتحدث فيه عن إصرار البرادعي على شغل منصب رئيس الوزراء، وتسريب لعبد المنعم أبو الفتوح يتحدث خلاله عن حازم صلاح أبو إسماعيل وغيرها.

اقرأ أيضا| الاختيار 3 حلقة 14.. تسريب لعبد المنعم أبو الفتوح عن حازم أبو إسماعيل: وصوله للسلطة كارثة

التسريب الأخطر (مفاجأة الاختيار)

شهدت الحلقة الثامنة من مسلسل "الاختيار 3"، عرض تسجيلا لجزء من حوار يجمع ما بين المرشح الرئاسي الإخواني محمد مرسي، والمشير محمد حسين طنطاوي، واللواء عبدالفتاح السيسي، بتاريخ 20 يونيو 2012، قبل إعلان نتيجة الانتخابات الرئاسية.

ويزور "مرسي" مقر المخابرات الحربية، ليلتقي مع المشير واللواء، ويؤكد المشير في بداية اللقاء أن "اللواء عبد الفتاح السيسي مش ابني.. ده حتة مني.. مش بس يؤتمن على الجيش ده يؤتمن على البلد كلها"، ويرد مرسي: "إحنا بنعتبر اللواء عبدالفتاح من الأسس اللي مع حضرتك والدراع الأساسية

ويبدأ مرسي كلمته: "مباركلتيش يعني يا سيادة المشير؟"، فيرد المشير: "أباركلك على إيه؟ هي النتيجة طلعت؟"، فيرد اللواء السيسي: "إن شاء الله يوم الخميس يا فندم".

يكمل مرسي: "النتيجة متتغيرش لأن دي إذا حصلت ليس لها من دون الله كاشفة.. الموجة الموجودة موجة إضرام نيران، لمن لا يقدر المسئولية، أنا لا أتمنى هذا ولا أريده ولا أوافق عليه".

يرد المشير: "عايزك تاخد بالك من إن لو حصل وجهة ما حاولت أنها تضرم النار في البلد، دي هتبقى مصيبى على البلد وعلينا، عايزك تاخد بالك، وخليهم مفيش داعي للحاجات دي".

يعقب مرسي: "أنا بس عايز أقول لحضرتك أن التصرف اللي موجود والشعور اللي موجود، شعور تلقائي شعبي وليس مخطط له"، ينفي المشير: "لأ في تخطيط معلش".

يستكمل مرسي: "النقطة التانية هي انعقاد مجلس الشعب"، يرد المشير: "أنا مقدرش أعمل فيه حاجة، معلش أنا أصارحك القول، هل أنا أقدر أعمل حاجة دلوقتي في مجلس الشعب؟"، يرد مرسي: "أه حضرتك تقدر"، يسأل المشير: "أعمل إيه؟"، يرد مرسي: "تلغي القرار"، يرد المشير: "لا أنا مقدرش ألغي القرار"، يسأل مرسي: "ليه؟"، يرد المشير: "مع احترامي ليس من سلطتي إني أنا ألغي القرار"، يعقب مرسي: "لأ حضرتك اللي أصدرت القرار"، يرد المشير: "مش أنا اللي أصدرت القرار.. القرار ده قرار محكمة"، يعقب مرسي: "القرار التنفيذي"، يرد المشير: "لأ ده حكم محكمة.. التنفيذ ده حاجة والقرار حاجة.. معلش أنا برضو بصارحك".

يضيف مرسي: "استمع إليّ بس"، يرد المشير: "أنا استمعت إليك والله كتير جدا"، يعقب مرسي: "أنا أخوك الصغير"، يرد المشير: "الموضوع ده أنا غير قادر عليه"، يرد مرسي: "عشان متجبيش بس بعد يوم من الأيام بعد يومين تلاتة أربعة تقول إنه إحنا ضيعنا فرصة"، يعقب المشير: "أومال أعمل إيه؟ هو أنا هطلع قرار؟ ده أنا هلغي حكم محكمة.. أنا مقدرش أعمل كده معلش مع احترامي"، يرد مرسي: "حكم المحكمة هيطبق يا سيادة المشير، ولكن هيطبق بطريقة يتفق عليها في مرحلة لاحقة"، يسأل المشير: "يعني إيه؟"؛ يجيب مرسي: "أنا اقترحت اقتراح واضح، إحنا قدامنا منفذ اتنين تلاتة، المنفذ الأولاني أنه يتلغي القرار، ودي مسألة مش صعبة، الحاجة التانية أن الموضوع يحال إلى الفتوى والتشريع وياخد فيه بعض الوقت لغاية ما يقول رأيه"، يرد المشير: "يا محمد بيه أنا في اعتقادي.. مش أنا بس.. أنا لو جمعت دلوقتي المجلس وعرضت عليهم مفيش حد هيوافق على الكلام ده.. الموضوع ده مش متفق معاك معلش".

يتابع مرسي: "إذا استشعر الناس زي ما أنا بقول إنه سدت كل المنافذ"، يسأل المشير: "ناس مين؟"، يرد مرسي: "الشعب.. الناس اللي إحنا عايشين معاهم"، يرد المشير: "أنتوا برضو متاخدوش فئة من الشعب.. ما تشوفوا الشعب كله بيقول إيه"، يرد مرسي: "ما إحنا شايفين"، يعقب المشير: "اسمع كلامي.. لا معظم الشعب بيقول كلام تاني خالص".

يختتم مرسي: "النتيجة إذا تغيرت يا سيادة المشير"، يقاطعه المشير: "مين قال إنها هتتغير؟"، يكمل مرسي: "سيؤدي هذا أنا بقول لحضرتك إلى حالة من الاضطراب لا نعرف إلى أي مدى ستذهب.. تغيير النتيجة أنا بقول لحضرتك سيؤدي إلى اضطرابات، ساعتها لا أنا ولا أنتوا هتقدروا تمنعوها، ستتوجه الاضطرابات إلينا، ستمثل خطر حقيقي غير 11 فبراير، أنا أرصد الواقع لحضرتك، أنا لك ناصح أمين".

اقرأ أيضا| مفاجأة الاختيار 3.. حوار مرسي وطنطاوي والسيسي قبل نتيجة الانتخابات الرئاسية بـ"الصوت والصورة"

إشادات الجمهور والنقاد

أشاد عدد كبير من الجمهور والنقاد بالجزء الثالث من المسلسل، وبأداء الممثلين، وجاءت عددد من التعليقات على النحو التالي: "مسلسل الاختيار عمل وثائقي أحداثه تمت بالفعل"، و"كنت فاكرة أحمد زكي مش هيتكرر، شابو ياسر جلال"، وغيرها من التعليقات.

اقرأ أيضا|

طارق الشناوي: مسلسل "الاختيار 3" يرفع الاحساس الوطني عند المصريين

محمود قاسم لـ"مصراوي": "الاختيار3" الأفضل.. وهذا رأيي بـ"المشوار" و"في بيتنا روبوت2"

نرمين الفقي لمصراوي: أتابع "الاختيار 3".. وسعيدة بأداء هؤلاء في رمضان

"هم أسوأ بكثير".. عمرو أديب: مسلسل الاختيار جاء رحيمًا بالإخوان

عمرو أديب عن "الاختيار 3": الشاطر كان بوابة مصر "لو عايز تبيع كتاكيت تعدي عليه"

عمرو أديب: مسلسل "الاختيار 3" عابر للقنوات.. وهيستريا غير طبيعية من الإخوان

أحمد موسى: الاختيار 3 يوثق حقائق تاريخية.. والشاطر العقل المدبر للجماعة الإرهابية

أحمد موسى: "مفيش حاجة في مسلسل الاختيار 3 مفبركة"

مسلسل "الاختيار 3" بطولة: كريم عبدالعزيز، أحمد عز، ياسر جلال، أحمد السقا، صبري فواز، خالد الصاوي، عبدالعزيز مخيون، جمال سليمان، محمد رياض، منذر رياحنة، هيدي كرم، هشام إسماعيل، أمير المصري، وإيمان العاصي وغيرهم، ومن تأليف هاني سرحان، وإخراج بيتر ميمي.