الاختيار 3 الحلقة 17.. تسريب جديد لمرسي والشاطر: مفيش تحالف بين الإخوان والنور

كتب- عبد الفتاح العجمي:

شهدت الحلقة 17 من مسلسل الاختيار 3، إذاعة تسريب جديد للرئيس المعزول محمد مرسي، والقيادي الإخواني خيرت الشاطر.

وفي "الاختيار 3 الحلقة 17"؛ يقول الشاطر في التسريب: "يعني هم دلوقتي قالهم بمنتهى الوضوح مفيش حاجة اسمها تحالف بين الإخوان والنور، ده مرفوض وهيعملنا مشكلة كبيرة في مصر، استقطاب الإسلاميين وغير الإسلاميين، دلوقتي إحنا نتبنى مبادرة تيار وائتلاف واسع جدا، فيه كل من يرغب الانضمام له ممن مُثِل في مجلس الشعب، وأنتوا هتبقوا موجودين جوه هذا الكيان أهلا وسهلا، متجيش تقولي لأ ده الوفد علماني، تقولي ده الكتلة مش عارف إيه، تقولي إيه.. تقولي إيه.. كان من الأول قبل الانتخابات كانوا رافضين ده، وإزاي خرجوا من التحالف السياسي وده عشان الوفد".

يرد مرسي قائلا: "عملوا بالنصيحة قوي.. فراحوا نيلوها من الناحية التانية"، فيعلّق الشاطر: "لا على فكرة ده محمد نور بيشتغل لوحده"، فيعقب مرسي: "محمد نور جه قعد مع.. قعد جنب عماد وهو قاعد معايا.. عماد كان يقولي مالوش دعوة محمد نور"، يعقب الشاطر: "قالوا كلام كويس في القعدة اللي حضرها عماد.. أنا عرفت جاتله معلومات أكيدة"، يعقب مرسي: "محمد نور قالي قبل كده أنا وهشام مصطفى كنا بنشتغل في تنظيم قبل كده، وكنا بنتعامل مع أمن الدولة بس أنا بطلب مش عارف هشام بطل ولا لأ"، يعقب الشاطر: "وعلى فكرة متجوز أجنبية كان"، يستكمل مرسي: "يعني أنا الكلام منسيتهوش.. الكلام ده من شهرين.. وبعدين عمال يلعب في كل حاجة محمد نور"، يعقب الشاطر: "بس هو بيلعب صح.. بس هم يعني حتى المؤتمر اللي عامله ده راح هو حضر.. ده لوحده"، يعقب مرسي: "ده عاملين هيئة عشان مراقبة البرلمان يا بشمهندس.. ده شغل جنان رسمي".

مسلسل "الاختيار 3" بطولة: كريم عبدالعزيز، أحمد عز، ياسر جلال، أحمد السقا، صبري فواز، خالد الصاوي، عبدالعزيز مخيون، هيدي كرم، وإيمان العاصي وغيرهم، ومن تأليف هاني سرحان، وإخراج بيتر ميمي.