حنان مطاوع تجيب.. هل ابتعدت سهير المرشدي عن الساحة الفنية لظروف صحية؟

كتب-وائل توفيق:

كشفت الفنانة حنان مطاوع أسباب ابتعاد والدتها الفنانة سهير المرشدي عن الساحة الفنية، وهل ذلك ليعود لحالتها الصحية أم لا.

وقالت مطاوع، أثناء استضافتها في برنامج "حبر سري" على شاشة "القاهرة والناس": "عندها الحاجات اللي عند المصريين كلهم، الرُكب والضهر، ماما بتنتقي، آخر حاجة عملتها في 2018، كان مسلسل طايع، اللي شجعها المخرج كويس قوي، النجم كويس قوي، الدور يملى دماغها، ديما تقولي إيه اللي يخليني أنزل دور يستنزفني".

وتابعت: "أعتقد اللي يخلي ماما تنزل تشتغل تاني حاجة تملى كيانها، وماما كمان بتتوهج لما بتمثل، بترجع شابة تاني، جواها طاقة، أنا بشجعها، لكن يارب يجيلها الدور اللي هي تحب تعمله".

مسلسل "طايع" عُرض في رمضان 2018، بطولة النجوم: عمرو يوسف، عمرو عبدالجليل، صبا مبارك، سيد رجب، سهير المرشدي، محمود البزاوي، مها نصار، تأليف محمد وخالد وشيرين دياب، وإخراج عمرو سلامة.