شريف الدسوقي يهاجم أشرف عبدالباقي: "اللي بتعمله ده مش مسرح"
-
عرض 4 صورة
-
عرض 4 صورة
-
عرض 4 صورة
-
عرض 4 صورة
كتبت- بهيرة فودة:
هاجم الفنان شريف الدسوقي، الفنان أشرف عبدالباقي، قائلًا: "المسرح اللي بتعمله ده مش مسرح أصلًا.. ده هزار".
وأضاف شريف الدسوقي خلال لقائه مع برنامج "سابع سما" الذي تقدمه الإعلامية راغدة شلهوب، على قناة النهار، قائلًا: "أشرف عبدالباقي في مسرح مصر أخد من المسرح المصري كتير.. وفيه شواهد كتير بتقول كده".
وتابع: "مفيش في الدنيا عرض بيطلع خلال أسبوع أو 4 أيام.. ومفيش في الدنيا إن ممثل يدخل على المسرح يقعد يهزر مع زميله.. وبعدين يطلع ويخش اتنين تانيين يقعدوا يهزروا مع بعض وهكذا.. وفي الآخر نقول ده عرض مسرحي".
وأكمل شريف: "اللي بيعمله ده اسمه اسكتشات مش مسرح.. كل الأساتذة اللي درسولنا المسرح طلعوا قالولنا كده".
يذكر أن شريف الدسوقي شارك في مسرحية "ياما في الجراب ياحاوي"، وتدور أحداث المسرحية في أجواء ألف ليلة وليلة الساحرة المثيرة، ورغم أنها يغلب عليها الطابع الكوميدي الغنائي فإنها تضم كل عناصر الدراما المسرحية من التشويق والصراع الإنساني في أحداث تجمع الحب والخيانة والتآمر والصراع على السلطة.
فيديو قد يعجبك:
