الاختيار 3 الحلقة الـ 12: مرسي الصديق الوفي لإسرائيل والشاطر يتحدث عن ثورة الجياع

كتبت- منال الجيوشي:

عرضت شاشة (أون) منذ قليل، الحلقة الثانية عشر من مسلسل "الاختيار 3".

وشهدت الحلقة العديد من الأحداث الهامة أبرزها:

يتحدث محمد مرسي (صبري فواز) مع ياسر علي (عبدالرحيم حسن) عن الخطاب الذي أرسله للحكومة الإسرائيلية، ومخاطبته بعبارة "صديقكم الوفي".

يقول علي: يا سيادة الرئيس السياسة هي فن الممكن، لازم ندرك إننا مش هنرضي الناس كلها، من سنتين كنا جماعة محظورة والسجون مليانة بالأخوة، ودلوقتي الوضع اتغير، كل اللي فات يعتبر أول يوم في مشروعنا، وسيادتك أول رئيس للنهضة الإسلامية مش بس في نصر في العالم كله بعد مشروعنا ما هينجح.

بعدها يتحدث مرسي عن الذكرى الثانية لقيام ثورة 25 يناير، قائلا: "أنا لقيت حل لمعضلة الذكرى الثانية ليناير، احنا هنعمل احتفالية بمناسبة ذكرى المولد النبوي، وفي نص الكلام هجيب سيرة الثورة".

يرد علي: هي فكرة مقبولة، بس خلينا نرجع لمكتب الإرشاد

يتحدث اللواء علي (محمد أبو داوود) مع المقدم زكريا يونس (كريم عبدالعزيز) عن الحالة السيئة التي يمر بها بسبب الأوضاع في مصر، قائلا: كلنا عارفين أن الكتاتني والعريان وخيرت كلهم إرهابيين، قالوا طظ في مصر، أنا حزين على اللي بيحصل.

يقوم الإرهابي أبو أيوب (خالد كمال) بالإعداد لعملية إرهابية قائلا: (غزوة كبرى تهز البلاد).

بعد إحالة أوراق 21 شخص لفضيلة المفتي في أحداث بورسعيد، تحدث أعمال شغب، ويطلب خيرت الشاطر (خالد الصاوي) من مرسي أن يكون حازما في خطابه، وأن يعلن حالة الطوارئ في بورسعيد.

مرسي: طيب ما نخلي القوات المسلحة هي اللي تعلن، يعني مش هبقى هاجمت الطوارئ أيام مبارك ودلوقتي أنا أعلنها.

خيرت: واحنا هنطبط عليهم ليه، لابد من إعلان حالة الطوارئ وحظر التجوال، واللي مش عاجبه فيه حاجات تانية نقدر نعملها، مايهمكش من أي حد إنت الرئيس والشرعية معاك والدستور واحنا معاك واللي مش عاجبه يشرب من المالح.

بعدها قام مرسي في خطاب رسمي بإعلان حالة الطوارئ في نطاق بورسعيد والسويس والاسماعيلية، فخرج مئات شباب في الإسماعيلية في الشوارع ردا على الخطاب.

بعد زيارة ألمانيا يجتمع مكتب الإرشاد، ويقول أحدههم: الحقيقة أداء الرئيس مرسي محبط جدا بعد الزيارة، ولازم طمأنة المستثمرين أن الأوضاع في مصر مستقرة

محمود عزت (مجدي سعيد): احنا بلغنا واللجان الإعلامية هتشتغل إن الزيارة كانت موفقة، لازم نشتغل ع البرلمان.

يدخل خيرت الشاطر فيسأل ماذا دار بينهم، فيرد سعد الكتاتني (بيومي فؤاد): كنا بتكلم عن انتخابات مجلس النواب، ولازم نتأني ونتطمن إن الشارع هدي

خير: الكلاب دي هتفضل تعوي كل يوم، مظاهرة هنا واعتصام هناك، خلينا في موضوع أهم، أنا مش عاجبني اللي قاله السيسي، إن الجيش محايد وواقف على مسافة واحدة من الجميع، أنا بتكلم على السيسي مش الجيش، يا معانا ياعلينا .

يلتقي الإرهابي الشيخ عمر بالإرهابي أبو أيوب والإرهابي أبو أنس للتحدث عن الغزوة الكبرى، ويقول الثاني: "في مصحلة الاسلام إننا منسكتش عن اللي حصل، لازم الناس تعرف إن الإسلام درع وسيف، والظاهر أنكم في حازمون عجبكم الاعتصامات ونسيتوا واجبكم الجهادي.

الشيخ عمر: ماتقلقش منسيناش دورنا، إحنا أول ناس دعمناكم وادينالكم السلاح

أبو ايوب: أنا هنا الأمير وهعمل اللي شايفه صح وبس، مش محتاج دعم ولا سلاح ولا مشورة

يطلب النائب العام تعاون جهاز المخابرات العامة المصرية في قضية المعلومات فيها تظهر أحد الأشخاص يتخابر مع دولة أجنبية، فيقوم مروان (أحمد عز) بجمع المعلومات عن الشخص المطلوب "إيهاب" والمعروف باسم "البوب".

يجلس خيرت بصحبة مرسي، قائلا: بص يا دكتور أي حاجة تخص وزير الدفاع نتناقش فيه قبل أي رد، وبمعنى آخر تجاهله تماما الفترة الجاية، وتأجل اجتماعاتك معاه، تتأخر في الرد على أي مراسلات أو تقارير، عشان يفهم إنك مش حابب تتعامل معاه.

مرسي: احنا عايزين الجيش يبقى معانا

خيرت: يا سيادة الرئيس هو مجرد وزير دفاع وإنت الرئيس الشرعي المنتخب، احنا عايزين نكسر شوكته هو، عاوزين نبعتله رسالة إننا في أي وقت نقدر نوجه الحشود بتاعتنا تجاهه وتجاه الجيش

في نهاية الحلقة يعرض تسريب يتحدث فيه خيرت الشاطر عن "ثورة الجياع".

مسلسل "الاختيار 3" بطولة: أحمد السقا، كريم عبدالعزيز، احمد عز، ياسر جلال، صبري فواز، خالد الصاوي، عبدالعزيز مخيون، وعدد من ضويف الشرف، ومن تأليف هاني سرحان وإخراج بيتر ميمي.