"حاولت أصالحها أكتر من مرة".. ريهام سعيد تكشف عن سر الخلاف بينها وبين زينة- فيديو

كتب- محمد خميس:

كشفت الإعلامية ريهام سعيد عن سر الخلاف بينها وبين الفنانة زينة، قائلة: "زينة استائت أني عملت حلقة بتغطي موضوع يخصها ودا كان موضوع وصل أنه يبقى رأي عام واتكلمت فيه زي كل الناس وحاولت أصالحها أكتر من مرة الحقيقة لكنها فهمت إني بصالحها عشان تتنازل عن القضية الحقيقة".

وقالت "ريهام" في حوارها لبرنامج "شيخ الحارة والجريئة" مع المخرجة إيناس الدغيدي على فضائية "القاهرة والناس" اليوم الثلاثاء: "وقتها كنت حامل في التاسع وكنت تعبت من مرواح المحاكم وكان في محاولات قبلها أني أفهمها إني مش عاوزاها تزعل مني"، موضحة: "كان في بينا وسطاء كتير بحكم أني ممثلة وعضو نقابة الممثلين".

وتابعت: "كنت أعرفها من زمان وانفصلنا فترة واتقابلنا بعدها لما بقيت مذيعة وهي فنانة ومحستش أنها بتحبني أوي"، مؤكدة: "زينة عشان تصالحني طلبت مني أصور فيديو اعتذرلها فيه وأذيعه ولما عملت كده قالتلي شكلكم مش زعلان وأنتوا بتتكلموا وصورته مرة تانية وأنا طلعت براءة من القضية وهي أكيد مش بتحبني وزعلانه مني بس أنا بكنلها كل الاحترام".