"برنامج مفبرك".. هالة صدقي تهاجم رامز جلال لهذا السبب - فيديو

كتب- محمد خميس:

قالت الفنانة هالة صدقي، إنها تعيب على برنامج النجم رامز جلال، تقديمه للضيوف في الجزء الأول من الحلقة بطريقة ساخرة، مضيفة: أنها وافقت على الظهور في برنامج رامز في المواسم السابقة، بشرط مشاهدة الحلقة بعد المونتاج ولكنهم رفضوا".

وأضافت "صدقي" في حوارها لبرنامج "شيخ الحارة والجريئة" والذي تقدمه المخرجة إيناس الدغيدي، على فضائية "القاهرة والناس" اليوم الثلاثاء: "برنامج رامز جلال مفبرك، واللي بيضايقني مش المقلب، لكن اللي بيضايقني إهانته للضيوف، والتعليقات اللي بيقولها على الفنان، إحنا رموز فنية مهمة ومينفعش إن إحنا نتهان".

وتابعت، أن السبب في استمتاع الجمهور خلال مشاهدتهم مقالب الفنانين والاستمتاع، قائلة: "التفسير أن في غل ورغبتهم في مشاهدة الفنانين وهما بيتبهدلوا، وطبيعة البشر في غل ولما بيشوفوا الفنان بيتبهدل بيرتاحوا نفسيًا ودا الفرق بين رامز جلال وهاني رمزي".

وأكدت، هالة صدقي: "فلوس رامز أكتر ورامز صاحبي أكتر لكن المبدأ بتاع برنامجه مش حلو، ولو جالي دلوقتي أظهر في برنامج رامز مش هطلع معاه، رغم إن ولادي بيحبوه".