فيديو| أحمد فريد يكشف كواليس مشهد "وقوعه" في "فلانتينو"
احمد فريد
كتب-مصطفى حمزة:
كشف الفنان أحمد فريد بالفيديو، عن الصعوبات التي واجهها أثناء تصوير أحد مشاهده في مسلسل "فلاىنتينو"، الذي يقوم ببطولته الفنان عادل أمام .
فريد نشر عبر صفحته بموقع "إنستجرام"، فيديو يوضح الصعوبات، وكتب: " حبيت أشارككم معايا، وأنا بصور مشهد " الوقوع " وصعوبة التصوير الخارجي.. لازم تشوفوا لحد أخر ڤيديو، جمعتلكم مجموعة ڤيديوهات اثناء تحضير المشهد، واللي جالي تعليقات كتير عليه ، إنه كان طبيعي جداً وفي اللي اتأثر من المشهد ده لتعب "شريف" "
وأضاف " في الحقيقة وأنا بصور مشهد خارجي بين الناس في مكان عام زي شارع أو مستشفي أو جامعة أو آي مكان خارجي ، بتكون دي الأجواء اللي إنتوا شايفنها، ناس كتير جداً متجمعين عاوزين يشوفوا احنا بنعمل ايه، وفي اللي بيجي يقطع تركزي عشان بيسألني انت بتصور ايه ،وأصوات عاليه وناس بتتكلم ،وبالرغم كل ده مطلوب مني أني " اسمع توجيهات المخرج كويس، واظبط حركتي للكاميرا ازاي مع مدير التصوير ،و وقفتي هاتكون فين بالظبط عشان ماخرجش بره الكادر، والأهم من كل ده هو ..... التركيز والاداء اللي هاعمله أول ماسمع كلمة أكشن ، عشان يطلع في الاخر زي ماشوفتوه "
وأكمل فريد: "مشهد زي ده بتشوفوه على الشاشة لمدة دقيقة أوأو دقيقتين ممكن نجهز فيه ونحضره ونصوره في ساعتين، ولكن بالرغم من التعب والإرهاق الزهني والبدني اللي بعاني منه أثناء التصوير، واللي ممكن أفضل ١٥ أو ١٨ ساعة بصور إلا ان شغفي وحبي وعشقي للتمثيل بينسيني كل التعب ده".
واختتم بالقول: "ملحوظة مهمة: التصوير ده كان في شهر أكتوبر اللي فات قبل أحداث الكورونا، عشان ماحدش يفكر إننا بنصور الأيام دي وربنا يحفظ كل أصدقائي وزمايلي اللي بيصوروا الأيام دي ".
“فلانتينو” بطولة عادل إمام، دلال عبد العزيز، داليا البحيري، محمد كيلاني، رانيا محمود ياسين، أحمد فريد، وفاء صادق، طارق الإبياري، حمدي الميرغني، هدى المفتي، إنعام الجريتلي، والمسلسل من تأليف أيمن بهجت قمر، وإخراج رامي إمام.
فيديو قد يعجبك:
