زينة توجه رسالة لمي عزالدين: "كل خطواتك وراها مجهود وتعب"

كتب- محمد مجدي:

وجهت الفنانة زينة، عبر صفحتها الرسمية بموقع إنستجرام، رسالة لصديقتها الفنانة مي عزالدين.

ونشرت زينة صورة لـ"مي"، وعلقت: "نجمة من أول ما بدأتِ، ومسلسلاتك طلعت نجوم دلوقتي بيشتغلوا لوحدهم، سواء رجالة أو ستات".

وتابعت: "مش عارفه أبدأ من السينما في أيظن، ولا سلسلة عمر وسلمى، مع نجم كبير زي تامر حسني، اللي كسر الدنيا لدرجة إن كل الناس بقت تسمي ولادها عمر وسلمى".

وأضافت: "ولا من مسلسلاتك الشك، ولا دلع بنات، ولا حالة عشق، اللي عمل نقلة في مشوارك وفي الدراما".

واختتمت حديثها: "كل خطواتك وراها مجهود وتعب وحب لجمهورك اللي بتموتي نفسك علشان ترضيه، واللي بيحبك ومنهم رقم بسيط على حسابك 7 مليون، ده رقم قليل من محبينك في الوطن العربي كله واللي بيقدروا مجهودك وتعبك، وعلى فكرة بحب البرنسيسة بيسة وسكسكة، وبحبك وكل الناس بتموت فيكي، وأولوهم السبعة مليون اللي عندك".

"البرنسيسة بيسة" من تأليف مصطفى عمر وفاروق هشام، إخراج أكرم فريد، بطولة مي عز الدين، بوسي، أمير المصري، محمد أنور، إيمان السيد، أحمد حلاوة، أحمد فتحي، حسام داغر.