خلاف بين مفيدة والشيف شربيني على طريقة تنظيف الأرانب: "يالهوي عاوز أروح"

مصراوي:

سادت أجواء من المرح بين المذيعة مفيدة شيحة والشيف شربيني، خلال برنامج "الشيف ومفيدة" اليوم الأربعاء، على قناة "سي بي سي".

ويقدم الشيف شربيني طريقة عمل الأرانب بالسجق، قائلا "الاختراع ده ظهر أول مرة أعمله على الهواء، وهي الأرانب بالسجق مع فاصوليا بيضا والبيف بيكون".

وسردت "مفيدة" طريقة تنظيفها للأرانب، وذلك بالدقيق والخل والليمون، للتخلص من "الزفارة"، ورّد الشيف شربيني متعجبًا: "يا لهوي.. هو سمان بتجيبه من على البحر!.. دا أطهر حاجة بتجبيها.. يا عم المخرج أنا عايز أروّح".

وحكت "مفيدة" عن عزومتها عند أحد صديقاتها وقالت إن الأرانب كانت "زفّرة"، ورد الشيف شربيني "تبقى مزارع.. وكمان بيتغسل عادي".

وقالت متصلة إنها تنظف الأرانب بالدقيق والخل والليمون إذا كانت أنثي، أما إذا كانت ذكرا فالماء فقط، واتفق معها الشيف شربيني، قائلًا: "أيوه بالظبط كدا.. علشان كدا بتقول أرنب من أرنبة"، وعلّقت مفيدة: "ابقوا اغسلوا بالطريقة اللي أنتم عايزينها أنا عن نفسي هغسلها بطريقتي".