فيديو وصور- بلطي وفيليه وجمبري بـ 20 جنيه.. بدري يحارب الغلاء بـ "الوجبة مجنونة" في البحيرة

البحيرة - أحمد نصرة:

بالتزامن مع موجة التضخم الأخيرة والارتفاع في الأسعار، أطلق مطعم للأسماك في مدينة دمنهور، بمحافظة البحيرة، مبادرة لتوفير وجبة اقتصادية بسعر التكلفة استهدف بها العمال ممن تقتضيهم الظروف للإفطار خارج منازلهم

يقول الشيف البدري : " منطقة الهداية إللي فيها المطعم، عبارة عن سوق مليء بالعمال والبسطاء، عدد كبير منهم ظروف عمله بتخليه يفطر في الأماكن إللي بيشتغل فيها، وللأسف بيفطروا أطعمة من البقالة متتناسبش مع الصيام والتعب طول اليوم ، ففكرت أعملهم وجبة سخنة بسعر يناسبهم ومايرهقش ميزانيتهم".

ويحدد البدري محتويات الوجبة: " سمكة بلطي وسط، ممكن ياخدها مشوية أو مقلية أوزيت وليمون حسب الطلب، ومعاها فيليه مقلي، وأرز بالجمبري".

ويوضح البدري: " سعرت الوجبة، من قبل رمضان بـ 20 جنيه وهو سعر التكلفة بدون مكسب، ومع زيادة الأسعار الأخيرة ممكن تكلفتها تكون زادت عن كده، لكن قررت إني مش هزودها، حتى لو اضطريت أتحمل الفرق".

ويختتم البدري حديثه: " زي ما بيقولوا المركب إللي فيها الخير ماتغرقش، ربنا بيكرم والشغل التاني بيعوض، الحمد لله صنعتنا معروفة في دمنهور وأكلنا مميز والطعم متلاقيهوش في مكان تاني بعون الله ".