متى نخرج من هذه الأزمات؟.. مدبولي عن تساؤلات المواطنين: أستمع إلى نبض الشارع دائمًا

كتب- محمد عمارة وأحمد السعداوي:

قال الدكتور مصطفى مدبولي، رئيس مجلس الوزراء، إنه يتلقى يوميًّا تقريرًا كاملًا بما يُقال في البرنامج والمقالات والجرائد، ويستقي منه توجهات الرأي العام.

وأضاف مدبولي، خلال مؤتمر صحفي مع عدد من الإعلاميين ورؤساء التحرير، اليوم الثلاثاء، أنه يعرف عبر هذا التقرير هل هناك إدراك كامل للحقائق أم لا، معقبًا: "ده بيساعدني لما بنطلع في مؤتمر صحفي أسبوعي نتكلم في نقاط واضحة".

وتابع رئيس الوزراء: أعتقد أن النهارده فرصة عشان نقعد ونتكلم؛ باعتبار أن لكم تأثيرًا قويًّا على الرأي العام.. عارف أن البرامج الحوارية في إجازة بسبب الصيف؛ لكن هاكون حريصًا على أن نتكلم كل شهر مرة، عشان أستمع أنتم شايفين إيه ووجهات نظركم إيه؛ عشان حضراتكم تنقلون جزءًا من نبض الشارع.

واستكمل مدبولي: عارف أن المواطن في الشارع لسان حاله يقول متى هنخرج من الأزمات دي؟ وهي غير مسبوقة، أنا باستمع إلى نبض الشارع، دايمًا بيتقال إنتم رامين المشاكل على اللي بره، كلنا لازم نعترف، احنا بشر، ماحدش فينا منزه عن الخطأ ودي طبيعة بشرية، مفيش حكومة 100% أو 90%، أنا باتكلم بمنتهى الشفافية، وارد يكون فيه قصور؛ لكن اللي حصل بره تأثيره على مصر غير مسبوق.

وقال رئيس الحكومة: طب إيه رؤيتكم للخروج من الأزمة؟ كان تفكيرنا ازاي نخرج من النفق المظلم من 4 شهور، كنت تسمع إن الدولار هيبقى بـ100 جنيه و120 جنيه، وكل ده تجاوزناه الحمد لله، ومش بس رأس الحكمة، لأ فيه إجراءات وبرنامج مع مؤسسات دولية، والكلام بيتقال إن فيه شروط، الكلام ده مابيحصلش، برامجنا مع المؤسسات رسالة ثقة للدولة دي.