محمود سعد يكشف سرًا عن الزعيم عادل إمام: "عرفته لمّا دخلت غرفته" (فيديو)

كتب- يوسف عفيفي:

كشف الإعلامي محمود سعد، سرًا جديدًا عن الزعيم عادل إمام، بالتزامن مع مناسبة الاحتفال بعيد ميلاده الـ83 الذي احتفل به أمس الأربعاء 17 مايو 2023.

وقال "سعد" في فيديو عبر صفحته بـ"فيسبوك": "عندما ذهبت إلى شقة الزعيم في نادي الصيد، ودخلت غرفة نومه وجدت بقعة على سريره، وهذه البقعة تكشف مدى بقائه على سريره متكأ برأسه على الوسادة لفترات طويلة".

وأضاف: "لما الزعيم جاب شقته في شارع نادي الصيد، وزوجته كانت ست في منتهى الشياكة، فكل ما أقوله إيه الحلاوة دي، يقول لي ده ذوق هالة، ودخلت أوضة نومه وأدركت السر فيها، لما لقيت بقعة على السرير نفس البقعة اللي كانت عند الفنان عبد الحليم حافظ، واللي بتدل إن السرير صاحبه بيقعد فيه كتير مش مسألة نوم بيقعد ساند دماغه على السرير ففيه علامة في قطيفة السرير".

وأكمل سعد: "وجدت جنب سريره كتب كتير وده معناه إنه بيقرأ قراءة متنوعة واتعلمت منه من غير ما أحس إني اقرأ ربع ساعة مثلا في الفلسفة وبعدين في الدين فيكون عنده أكتر من كتاب في أكتر من حاجة".

وأشار إلى أن عادل إمام "يمتلك ذكاء فكري كبير وعارف أمتى يقابل ده، وامتى يتكلم مع ده، وامتى يتكلم جد، وامتى يهزر، وامتى يعمل مسلسل، وامتى فيلم، وامتى يوقف مسرحية، وكان عنده إحساس عالي، ولو قاعد في الصالة يقدر يجيب آخر واحد في آخر كرسي ومشاعره علشان كده هو نجح".