"عاوزين نستورد بنات".. نهاد أبو القمصان ترد على التصريح المثير للجدل

كتب- أحمد عبدالمنعم:
كشفت المحامية نهاد أبوالقمصان، رئيس المركز المصري لحقوق المرأة، حقيقة ما تم تداوله على لسانها بشأن تصريح "عايزين نستورد البنات، عندنا عجز في الستات"، وهو ما أثار حالة من الجدل عبر مواقع التواصل الاجتماعي.

وقالت أبوالقمصان في منشور على صفحتها الرسمية بموقع التواصل الاجتماعي "فيسبوك": "المنشور عن لساني إن عايزين نستورد بنات! معقول ده كلام حد يتصور إنه رأي مثلاً ولا إقتراح؟!".

وأضافت: "أي حد شاف وسمع الكلام اللي أنا قلته هيعرف بسهولة وبدون أي لبس إن الكلام كان في سياق احتجاجي يسخر من اللي بيروجوا طول الوقت لتعدد الزوجات بحجة إن عدد الستات أكتر من الرجال في المجتمع".

واستطردت: "الكلام كان على الهرم السكاني المصري اللى نسبة البنات والسيدات 48.5٪؜ طبقا للتعبئة والإحصاء ودا معناه البنات أقل من الأولاد علشان اللى بيدعو للتعدد لأن البنات عددهم أكبر، محتاج يرجع للتعبئة والإحصاء".

واختتمت "بلاش جنان.. بنات أيه اللى تستوردوهم؟".

وقالت المحامية نهاد أبو القمصان، أمس إنّ تقرير الإحصاء بأن نسبة الإناث 49% مقابل 51% للذكور ضخمة جدًا ونمتلك عجزًا في أعداد الإناث.

وأضافت ساخرة في تصريحات تلفزيونية أمس: "عايزين نستورد البنات عندنا عجز في الستات"، مشيرةً إلى أن العجز في الإناث وصل إلى مليون و 750 بنت وهي نسبة ضخمة جدًا.