ممدوح حمزة: "في انفراجة وأتمنى متكنش عليا أنا بس"

كتب- أحمد عبدالمنعم:

نشر المهندس ممدوح حمزة، فيديو عبر حسابه في موقع التواصل الاجتماعي "فيسبوك" بعد عودته من الخارج.

وقال "حمزة" في الفيديو: "قابلت لواء قالي إن مصر بترحب بولادها المخلصين وفاتحة دراعتها لأبنائها عشان يرجعوا بلدهم، وبلدهم تستفيد منهم. أنا عايش الكلام ده بنفسي، دي مرفت أختي، وابن أختي، والدكتور أسامة الغزالي حرب، وأنا معاهم، يعني دي حقيقة. أنا شايف حقيقة قصادي، إذا كان ده اتجاه الدولة حاليا، يبقى إحنا ماشيين صح، بس ياريت متقفش عند كدة".

وأضاف: "هما قالوا البلد فاتحة دراعتها لأبنائها المخلصين، في بقى أبناء مخلصين قابلتهم برة كتر جدا، أنا مبسوط جدا لأن أنا كنت جاي وبفكر يا أتاخد يا ما أتاخدش، أول ما جيت افتكرت أني خلاص رايح، لحد ما قابلت أسامة ودخلت الصالة".

وأوضح: "أرجو وبعد إللي أنا فهمته انهاردة، أن في انفراجة مش عليا أنا بس، هتبقى لكل أبناء مصر المخلصين، وأنا حاليا متجه للبيت وبطمنكم كلكم".

كما قال: "وصلت إلى مطار القاهرة، وطلعت من بوابة الطيارة، لاقيت راجل بيقولي حمد الله على السلامة، ساعدني في الشنطة اللي معايا، بعدها ودوني مكان كنت بروحه قبل ما أسافر من مصر وأدفع 500 جنيه، بس المرة دي دخلت ببلاش".

اقرأ أيضا..

"اتأكدت بنفسي".. ممدوح حمزة يكشف لـ"مصراوي" كواليس عودته إلى مصر بعد 3 سنوات