أول تعليق من كاهن كنيسة جزيرة بدران على الماس الكهربائي: "محدش اتخدش"

كتب- إسلام لطفي:

علق القمص أثناسيوس رمزي، كاهن كنيسة الشهيد مار جرجس بجزيرة بدران في شبرا، على حدوث ماس كهربائي حدث بالكنيسة، قائلًا: "لم يحدث شيء ولا يوجد نيران".

وأضاف في تصريحات له عبر قناة "مي سات": "القوات في الكنيسة أبلغت القوات المدنية والإسعافات وحضرت بالفعل، لكن مفيش واحد اتخدش.. ونستخدم المولد من زمان وهي حاجة عادية بتحصل لما بيكون فيه مناسبات".

وتابع: "محصلش ماس قبل كده في الكنيسة وهي أول مرة انهارده، لكن حصل إن النور قطع كتير، وكان في وقت صلاة القداس".

واستطرد: "الناس خرجوا من الكنيسة من الباب اللي على الشارع وكل شيء تم بسلام وهدوء وقوات الكنيسة عملوا الواجب في توجيه الناس للخروج، وهي حاجة عادية وممكن تحصل في بيتنا أو بيوت جيراننا".