"مش هنحرم حد من حاجة".. السيسي: المنتزه مفتوحة للجميع

كتب - محمود مصطفى أبوطالب:
قال الرئيس عبدالفتاح السيسي، إن منطقة المنتزه مفتوحة للجميع، مضيفا: "مش هنحرم حد من حاجة".

وأضاف خلال افتتاح محور المشير فخري "فؤاد أبو ذكري"، اليوم، بالإسكندرية: "أول ما جينا نبدأ في المنتزه، كانت فيه ناس كتير بتقول، انتوا هتعملوا إيه؟، وفيه ناس زعلت وقالت احنا موجودين بقالنا سنين وهتحرمونا؟، متابع ا:"مش هنحرم حد أبدا، المتنزه مفتوحة لكل الناس، مافيش حد هيبقى ليه حاجة بما فيهم انا، الشاليهات اللي كانت موجودة، كانت بتستخدم أسبوع أو اتنين في السنة، دلوقتي مفتوحة للكل".

وأضاف الرئيس السيسي: "روحنا المنتزه لقينا كل حاجة خلصت، قصر السلاملك كان هينهار، عاوزين نرجع كل حاجة زي ما كانت، دا تاريخنا، ان شاء الله مش هنعمل إلا كل خير لمين، للناس اللي في مصر".

وتابع:" الناس مستغربين ليه حريص على الحاجات دي، علشان نرجع للحُسن اللي كنا فيه، حتى محطة اسكندرية ومحطة مصر، يقولك من 100 سنة، طيب اما تبقى معانا ترجع تاني، أي حاجة بندخل فيها، احنا بنعمل فيها حاجة حلوة".

واختتم الرئيس: "مالكوا خايفين كده ليه، الناس في مصر اتعودت على الأي كلام، نعيش في أي حاجة، نمشي في أي حاجة".