السيسي: الدولة محتاجة تريليون دولار كل سنة

كتب - محمد عمارة:

قال الرئيس عبدالفتاح السيسي، إن الرئيسين جمال عبدالناصر وأنور السادات، تحدثا قبل ذلك عن الزيادة السكانية ولم يتم حلها.

وأضاف خلال كلمته في الجلسة الختامية للمؤتمر الاقتصادي بفندق الماسة بالعاصمة الإدارية، اليوم:"يا ترى المؤسسات الدينية والإعلامية اتكلمت وتضافرت الجهود إن ده عائق لتقدم الأمم، ولا لأ؟ هل عرفنا نعمل ده؟، هل رجال الدين عملوا كده؟، عارف إن ربنا هو الرزاق، بس بردو في كل الفهم، في الحديث والنصوص، في إطار قدراتك مش قدرات الآخرين، الدولة مش مسئولة ومش صح تصرف على الأسر، هل ده معناه دعوة للأ، ما قلتش كده، يا ترى المواطن اللي جاب 3 و4 أولاد، قال مش عارف أشغلكم ولا أكلكم، لأ بيقول الدولة معملتش، اللي ساب البناء الفكري ده يترسخ، مسئول".

وتابع:"هقول نظرية متفائلة كده، كل اللي بتقولوه عملناه، لو ملقتوش دخل الدولة ده تضاعف كل 3 سنين، الدكتور مصطفى تعبان معايا، كبرته قبل سِنه، الدكتورة هالة عندها ابتسامة جميلة، قولها قولولي كلام يخلي البلد دي قدام، اللي بيجيب 90 % في الثانوية لازم يشقى ويتعب".

وأضاف:"كل موضوع خد جهد مش تنظير، فكرة وحل للمسألة، حد يقولي طب ما انت بتنفق 200 مليار، ما انت معاك فلوس أهو، مصر عايزة تريليون دولار كل سنة، يعني 19 أو 20 تريليون جنيه، موازنة مصر 2 تريليون".