السيسي: رئيس الوزراء أكتر واحد بيتعذب معايا في الحكومة

كتب - محمد عمارة:

قال الرئيس عبدالفتاح السيسي، إن المؤتمر الاقتصادي سيكون منصة اقتصادية مستقرة تقدم كشف حساب كل عام بما تم إنجازه في مختلف المجالات.

وأضاف خلال كلمته في الجلسة الختامية للمؤتمر الاقتصادي، اليوم:"انتوا عارفين أكتر واحد بيتعذب معايا في الحكومة مين؟، الدكتور مصطفى مدبولي، دماغه بقت أد كده".

وتابع:"أنا كنت بتكلم مع وزير العدل من كام شهر، طب لو طلبت منك تحكي؟، هتفتكر كل اللي قولته، من فضلكم ادوله الميكروفون، أصل ده يوم جميل".

ومن جانبه، قال المستشار عمر مروان وزير العدل، إن الرئيس عبدالفتاح السيسي يطرح أفكارا كثيرة، ويتم تطبيقها على أرض الواقع.

وأضاف:"فيه أفكار كتير الرئيس السيسي بيقولها، واحنا بنشوفها على أرض الواقع، احنا عملنا حاجات كتير"، متابعا:"لما نيجي على توثيق الطلاق، الناس كلها وافقت وقالوا شرعي، زي الزواج، لما جينا نشوف أسباب الطلاق، هل مجرد كلمة الواحد بيقولها، ولا له شروط، لقينا إن فيه حالات لا تستحق هذا لمجرد كلمة، هل المأذون بيقدر يتحقق من هذا؟، اللي بيكتبه بيترتب عليه خراب أو استمرار أسرة".

وتابع:"لما جينا اتكلمنا على سلامة العقد، من ضمنها التحاليل، لازم نبقى داخلين على نور، ودي كلمة الرئيس السيسي، هل الإنسان قادر على الزواج؟، هل الست قادرة على هذا العمل؟، محتاجين تبقى فيه تحاليل، والتكلفة المادية، نتحقق من ده في الأسرتين، العريس والعروسة من بيئات مختلفة، لازم الكلام ده يتقالهم، لازم يكون فيه كلام على هذه الأمور، وهذا يؤدي لاستمرار الزواج، كل هذه الأمور احنا شغالين عليها، إن شاء الله سنعرض قانون الأسرة قريبا على رئيس الجمهورية".