دفع واستثمار ومستحقات.. السيسي يكشف طريقة حل أزمة المعاشات والتأمينات

كتب- محمد نصار:

كشفت الرئيس عبدالفتاح السيسي، تفاصيل قضية التأمينات والمعاشات وتدخلات الدولة لحلها.

وقال السيسي، خلال افتتاح مشروعات إسكان بديل، اليوم السبت: كان اللي بيحصل في الموضوع ده وبفكر الناس، الناس تطلع تقول حقنا وفين الفلوس اللي خدتها البلد وكلام من هذا القبيل، ده خلى الدولة ملتزمة أمام أصحاب المعاشات إنها لازم تندفع.

وتابع: بقول لكل الناس في مصر، المعاش بييجي إزاي، بتشتغل مدة زمنية وتستقطع أموال من راتبك وتروح تدخل في صناديق بيتم استثمارها والاستثمار ده ليه عوائد تاخد منها لما تخرج على المعاش مستحقاتك بشكل شهري.

وأكد السيسي: الكلام ده كان معمول في مصر على المرتب الأساسي للناس اللي شغالة وكتير من أصحاب المهن يعطي جزء ضئيل من المستحقات دي، لكن بعد 20 أو 30 سنة سيجد الشخص مستحقاته قليلة.

وواصل: القضية دي كانت موجود في مصر بدراسات كانت وقتها جيدة، لكن في النهاية الرقم اللي هيتاخد ميعيش الناس، والنقطة التانية الدراسات اتعملت على أعمار متوسطها زاد نتيجة تطور الصحة وغيره، طيب ده مكنش معمول في الدراسات الاكتوارية للأموال دي.

وأكد: الدولة عملت إيه، لقينا مبلغ المستحق للتأمينات والمعاشات المستقر لكل سنة قولنا نحسم القضية دي، السنة دي هندفع 180 مليار جنيه من موازنة الدولة بنسددها، نتيجة إهدار جزء من الأموال دي وهي مش كتير.

وتابع: هنفضل ندفع سنويا لغاية سنة 2052، ولكن المطلوب وإحنا بنعمل دراساتنا دلوقتي نتنبه للقضية دي علشان متتكررش تاني مع الأجيال اللي شغالة دلوقتي.

ويفتتح الرئيس عبدالفتاح السيسي، اليوم السبت، مجموعة من مشروعات الإسكان بديل المناطق غير الآمنة بمدينة 6 أكتوبر.