السيسي: فيه حد وسطنا بيشككنا في أي حاجة إلا حاجته

كتب- محمد نصار:

قال الرئيس عبدالفتاح السيسي إنه إذا تواجد بين المصريين آخرين لديهم فكر مختلف يبثوه في عقول الشعب وعقول أولاده بشكل ممنهج فلا بد من مواجهتهم.

وأضاف السيسي، خلال فعاليات الندوة التثقيفية الثلاثين للقوات المسلحة بمركز المنارة الدولي للمؤتمرات، وذلك بمناسبة الاحتفال بيوم الشهيد، اليوم الأحد: "أفتكر من سنين طويلة فاتت واحنا بنشعر إن فيه حد في وسطنا دايما بيشككنا في أي حاجة إلا حاجته هو، وبالمناسبة لا ده من الأمانة ولا الصدق ولا الدين في أي شيء من الأشياء، إحنا مصريين مع بعضنا، لو تواجد حد يتصور أن يشوه أفكارنا ويستبيحها مفتكرش ده في الدين من شيء".

وتابع السيسي: "كان كل يوم منذ دخول هذه العناصر أمام وزارة الداخلية يسقط القتلى يوم بعد يوم، أكثر من 6 أيام مات فيها العشرات واتعمل في الوقت ده منصة علشان تجيب باقي الدولة الأرض، كان المطلب وقتها إن المجلس العسكري يمشي، وعلشان يمشي نعمل حالة تخلي كل الرأي العام يبقى مش راضي ومتألم ورافض ولازم يمشي لأن القتل اللي بيتم بيتم باسمه، ده اللي تم تقديمه للناس في الفترة دي، والله أقسم بالله، قولت اعملوا لجنة لدراسة كل الأحداث التي تمت في 2011، 2012، 2013، علشان تعرفوا إزاي الدول بتتدمر والبلاد بتضيع".

ويشهد الرئيس عبدالفتاح السيسي، اليوم الأحد، فعاليات الندوة التثقيفية الثلاثين للقوات المسلحة بمركز المنارة الدولي للمؤتمرات، وذلك بمناسبة الاحتفال بيوم الشهيد.

ويحضر الندوة رئيس مجلس الوزراء الدكتور مصطفى مدبولي، والفريق أول محمد زكي القائد العام للقوات المسلحة، وزير الدفاع والإنتاج الحربي، والدكتور علي عبدالعال، رئيس مجلس النواب وعدد من الوزراء وكبار رجال الدولة.