"اديتك أكبر من حجمك".. رسالة جديدة من ريهام سعيد لجورج قرداحي

كتب- محمد نصار:

وجهت الإعلامية ريهام سعيد، رسالة للإعلامي جورج قرداحي، قائلة: "أول حاجة جورج قرداحي، كل اللي أنت قولته أي كلام بتاع كنت بهزر وده برنامج هزار، مكنش هزار ولا حاجة هزروا على نفسكم، في آخر اللقاء قولت دي قليلة الأدب، ده مش هزار مفيش حدي بيهزر معاك يقول قليل الأدب".

وأضافت ريهام، عبر فيديو على حسابها الرسمي على انستجرام: "أكيد ده مش هزار ولو هزارك كده يبقى أكيد خارج عن إطار الاحترام والأخلاق والنخوة والرجولة، وشوف حد تاني تهزر عليه".

وتابعت: "في الآخر بيقول مش أنتم زعلانين منها، ما اللي يزعل هوا حر بس مفيش حد داس ليا على طرف ولا وجهلي إهانة، أنا أديتك أكبر من حجمك بقالك كتير محدش بيجيب سيرتك ولا فاكرك أصلًا بس الناس رجعت تفتكرك لما أنا رديت عليه، لما ابني قاعد يسمع إن أمه هتنضرب بالجزمة وجوزي، مش معقول تكون كبرت كده ومتبقاش عارف حاجة اسمها ثقافة الاختلاف".

وكانت قدر ردت الإعلامية ريهام سعيد على الإعلامي جورج قرداحي، بعدما هاجمها في أحد البرامج اللبنانية.

ونشرت ريهام سعيد فيديو، منذ أيام عبر حسابها على "إنستجرام"، اليوم السبت، قالت فيه إنها فوجئت برسالة من أحد متابعيها من المغرب، يطالبها بالرد على جورج قرداحي، مؤكدة أنها لم تكن تعلم على أي شيء سترد، بعدما اعتزلت الإعلام، إلا أنها شاهدت الفيديو لتفاجأ بالهجوم عليها.

كان جورج قرداحي تحدث خلال استضافته ببرنامج "في Male" مع كارلا حداد، الشهر الماضي، عن إيقاف ريهام سعيد، قائلًا: "في مصر يستعملون تعبير حلو وهو "تستحق أن تضرب بالجزمة"، مطالبا بمنع ظهورها في الإعلام.

لمشاهدة الفيديو اضغط هنا