السيسي: "مهتم بمصر من 40 سنة.. وعايز الحوار دايما ثري"

كتب- محمد نصار:

قال الرئيس عبدالفتاح السيسي، إن لديه اهتمام كبير بمصر منذ نحو 40 عامًا، وأنه على استعداد للجلوس مع أي شخص يكون لديه الطرح المختلف والمفيد.

وأضاف السيسي في كلمته خلال الندوة التثقيفية للقوات المسلحة الأحد: "قولت يبقى فيه عندنا منظومة لتطوير أنفسنا في إطار التطور العالمي الحادث، إنا كنت مهتم بمصر أوي أوي أكتر من 40 سنة، واعي أوي عنها، لما بقعد مع حد اتكلم معاه، لو مكانش الكلام مليان استفيد منه يبقى بضيع وقتي ووقته".

وتابع الرئيس السيسي: "لما تتكلم عن موضوع المياه في مصر لازم تبقى ملمين بتفاصيل الموضوع، كنت في مؤتمر مع حد، بيقولوا مثلًا لازم تزود بطاقة التموين 1000 جنيه للفرد.. قولتله كويس، إنت عارف الـ10 جنيه تكلف كام، تكلف 8.5 مليار جنيه في العام، لو هياخد 30 جنيه يبقى 25 مليار جنيه، الألف في الشهر يبقى 70 مليار جنيه".

وزاد الرئيس: "خلي الحوار اللي بينا يبقى ثري، يبقى الموضوع عند كل طرف متكامل وواضح علشان لما تقولي كلام أقولك يالا نعمله، اللي يقعد معايا يبقى عارف القضية كويس، علشان يقولي كلام لو وافقته عليه وأنا مش فاهم هنلغبط الدنيا، لكن لو بيقول مقترح فعلًا بالدراسة القوية مفيد أنا معاه".

يحضر الندوة الدكتور مصطفى مدبولي، رئيس مجلس الوزراء، والفريق محمد زكي، وزير الدفاع والإنتاج الحربي، القائد العام للقوات المسلحة، وعدد من الوزراء وكبار رجال الدولة والقوات المسلحة.​