مدير جمعية "الأورمان" يرد على حملات المقاطعة: "مفيش حد لغى تبرعه"

كتب- محمد عمارة وعايدة رضوان:

قال اللواء ممدوح شعبان، مدير عام جمعية الأورمان، إن تصريحه المتداول على مواقع التواصل الاجتماعي "مفيش حد فقير في مصر"، مقتطع من سياقه، مضيفًا: "الناس خدت جملة واحدة وسابت بقية الكلام".

وذكر "شعبان"، في تصريحات لمصراوي، اليوم الجمعة: "أنا بتكلم عن إن مفيش فقير، مادام المصري بيدي للمصري، وإن كل المواد الغذائية متوفرة، والمشروعات التنموية بتزيد، والتبرعات بتزيد يبقى إن شاء الله مفيش فقير".

وفيما يخص تداول بعض رواد مواقع التواصل الاجتماعي هاشتاج "قاطعوا جمعية الأورمان"، رد بالقول: "الشجرة المثمرة يقذفها الناس بالحجارة، ولم يلغٍ أي تبرع، أو يتلق أي شكوى أو استفسار".

وتابع مدير عام جميعة الأورمان: "التبرعات بتتجمع النهارده، ومفيش أي حد لغى تبرعه أو حتى سألنا إيه الموضوع، لأنهم يعلمون تمامًا أين تذهب أموال التبرعات".

وكان مدير عام جمعية الأورمان، قال خلال جلسة "اسأل الرئيس" التي أقيمت مساء الأربعاء الماضي، ضمن فعاليات مؤتمر الشباب في انعقاده الخامس: "رمضان مليان خير للركب، رز وسكر وسمنة وزيت وعدس، في كل حتة في مصر، مفيش بيت في مصر مجالوش من مصري إلى مصري خير رمضان بالكامل.. أنا يمكن ماعنديش خبرة جامدة لكن أنا بقول مفيش حد في مصر فقير".