السيسي عن المرأة المصرية: "دايمًا شايفة مصر"

كتبت- عايدة رضوان:

طالب الرئيس عبد الفتاح السيسي، جميع حضور احتفالية تكريم الأمهات المثاليات، المقامة اليوم الأربعاء في فندق الماسة، بالوقوف تحية وتقدير لكل سيدة مصرية، واصفًا إياهن بـ"عظيمات مصر"، مضيفًا أنه لا يبالغ حين يصفهن بالعظيمات: "إحنا عملنا كده السنة اللي فاتت، اسمحولي إننا نكررها السنة دي، نقف تحية وتقدير لكل سيدة مصرية، تحية وتقدير لعظيمات مصر، والحقيقة كلامي عن الست المصرية لا ينتهي، وده مش مجاملة ولا مبالغة".

وأضاف الرئيس السيسي، أنه خلال الـ 5 سنوات الماضية التقى العديد من أسر السهداء إلا أنه لم يشعر قط بأي شكل من أشكال الملامة: "خلال السنين اللي فاتت التقيت بأسر الشهداء في كل المناسبات، ماحدش هيجامل بدم ولاده، ولا حتى الزوجة هتجاملني بيه، أقسم بالله لم أسمع كلمة واحدة من أم أو زوجة أو ابنة شهيد أي شكل من أشكال الملامة على الأقل قدامي".

وأوضح: "مش عاوزة تحرجني أو تكسفني أو تكسر بخاطري، كانت بتكون متحاملة وقوية وتقول فداء مصر".

وتابع الرئيس: "أنا بتكلم على مئات الأسر مش 10 أو 20 أو 30، مافيش سيدة مصرية أبدًا قالت كلمة تعترض فيها، على إنها فقدت الشهيد للأبد، تراه إن شاء الله في الجنة لكن عايز أقول وهو السند يمكن أو الحبيب أو الابن الغالي قوي يمكن لكن هي كانت دايمًا شايفة مصر، وبتبتلع ألامها وأحزانها لأجل خطار بلدها".