السيسي لـ"رجال الأعمال": "أمنوا على العمال عشان خاطر ربنا"

كتبت- عايدة رضوان:
طالب الرئيس عبد الفتاح السيسي، الشركات العاملة مع القوات المسلحة ووزارة الإسكان، بالتأمين على كافة العاملين لديها، قائلا: "الشركات اللي عندكم - القوات المسحلة ووزارة الإسكان - هتبعتلكم قوائم بأسماء العاملين بالأرقام، تُعتمد مظبوطة وتُختم وتسلم للبنك وتطلع الشهادات بشكل مركزي تيجي تسلمها للشركة وتديها للمواطن".

وتابع الرئيس السيسي: "كان ممكن ربنا سبحانه وتعالى مانبقاش إحنا في الوضع الآمن ده، وكان كل اللي عندنا في مهب الريح، بيوتنا ومُدننا وحياتنا وإحنا شايفين نماذج يعني، الناس كانت أمنة ومطمئنة ومابقتش وإحنا ربنا سبحانه وتعالى حمانا وعفانا من كده".

وأردف الرئيس السيسي: "أرجو إن رجال الأعمال وأصحاب الشركات والمقاولات تقدروا تعملوا كده مع عمالكم عشان خاطر ربنا، وبالمناسبة خاطر ربنا، خاطر ربنا كبير قوي، يارب نعرف نعمل حاجة عشان خاطر ربنا".