زوجة الضابط صاحب صورة السيول تروي رد فعلها.. وهو يرد: "ربنا يباركلي فيكي"

كتب - شريف أيمن:

قالت أماني بيومي، زوجة المقدم مصطفى مختار، إنها انهارت عقب رؤيتها صورة زوجها أثناء تأدية عمله، واستهزاء عدد من نشطاء مواقع التواصل الإجتماعي به، مؤكدة أنه يؤدي واجبه على أكمل وجه رغم إصابته بالغضروف.

وأضافت بيومي -خلال مداخلة هاتفية لها ببرنامج "٩٠ دقيقة"، الذي يذاع على قناة "المحور"- اليوم الإثنين:" بناتي كمان كانوا منهارين، وبنتي قالت لي صحابتي بدأوا يرفعوا الصورة، كتبت تعليق على الصورة، هو أسرة صاحب الصورة بتقولكوا حسبي الله ونعم الوكيل، بس التعليق اتشال".

وتابعت:"بنقعد بالايام والاعياد مش بنشوفه، وارتفعت الروح المعنوية لبنتي كتير بعد ما ناس كتير دافعت عنه والناس اللي اعتذرت وحسيت ان لسه الدنيا بخير، جوزي بينزل شايل روحه على كفه وكل شوية اكلمه انت كويس وميبقاش الجزاء الاستهزاء والاستهوان بعمله".

ومن جانبه قال المقدم مصطفى مختار:" شكرا وربنا يخليكي ليا، ومراتي أصيلة وبنت أصول وربنا يباركلي فيكي".